Самарқанд вилояти. Жорий йил 30 март куни Самарқанд шаҳрида яшовчи 44 ёшли фуқаро Р.Д., Самарқанд шаҳар ИИО ФМБ “102” қисқа рақамига мурожаат қилиб, ўз аризасида 2025 йил 29 март кунидан 30 март кунига ўтар кечаси номаълум шахслар яшаш хонадонига кириб, пичоқ билан қўрқитиб, уйидан 1.900 АҚШ доллари миқдоридаги пулларини олиб кетганини маълум қилган.

Ушбу ҳолат бўйича Самарқанд шаҳар ИИО ФМБ ҳузуридаги Тергов бўлими томонидан номаълум шахсларга нисбатан Ўзбекистон Республикаси ЖКнинг 164-моддаси 2-қисми “а” ва “б” бандлари билан жиноят иши қўзғатилган.

Тергов-тезкор ҳаракатлари натижасида, 2 нафар 23 ёшли шахслар жиноятга алоқадор эканлиги аниқланган.

Бундан ташқари мазкур жиноятда, яна 24 ёшли фуқаро Х.С. ва 17 ёшли вояга етмаган А.Ф.лар ҳам бўлгани аниқланиб, барча гумон қилинувчилар процессуал тартибда ушланган.

Дастлабки тергов давом этмоқда.

Ўзбекистон Республикаси ИИВ ҳузуридаги Тергов департаменти