Сурхондарё. 2020 йил 8 май куни тахминан соат 17:00 да Сурхондарё вилоят ИИБ ходимлари томонидан ўтказилган тезкор тадбири давомида Термиз шаҳар “Алпомиш” маҳалласидаги уйларнинг бирида “Х.Дўстлиги” кўчасида яшовчи фуқаро 37-ёшли А.Я., “Х” исмли шахсга вазни 2,56 грамм бўлган қора рангли, ўткир ҳидли, ўтсимон гиёҳвандлик воситасини 900 000 сўм эвазига сотаётган вақтда ушланган.

Суд-кимёвий экспертиза хулосасига кўра А.Я.дан ашёвий далил тариқасида олинган модда таркибида тетрагидроканнабинол мавжуд бўлиб, у “Гашиш” номли гиёҳванд воситаси эканлиги аниқланган.

Мазкур холат юзасидан Термиз шаҳар 4-сонли ИИБ Тергов гуруҳи томонидан Ўзбекистон Республикаси ЖКнинг 273-моддасининг 5-қисми (гиёвандлик воситалари кўп миқдорда қонунга хилоф равишда сотиш) билан жиноят иши қўзғатилиб, дастлабки тергов ҳаракатлари олиб борилмоқда.

Эслатиб ўтамиз мазкур жиноятни содир этган шахслар Жиноят кодексида кўрсатиб ўтилган 10-20 йилгача озодликдан маҳрум қилиш билан жазоланади

 Ўзбекистон Республикаси ИИВ ҳузуридаги Тергов департаменти