Ўзбекистон Республикаси Ички ишлар вазирлиги ҳузуридаги Тергов департаменти
O'zbekiston Respublikasi Ichki ishlar vazirligi huzuridagi Tergov departamenti

Янги йил учун ўқув семинарлари бошланди, мавзу эса долзарб: кучли таъсир қилувчи ёки заҳарли моддаларни қонунга хилоф равишда муомалага киритиш жиноятини тергов қилиш

14.11.2020 йилда Ички ишлар вазирлиги ҳузуридаги Тергов департаменти бошлиғи ўринбосари подполковник О.Т.Қулбеков томонидан тасдиқланган ўқув-семинарлар режасига мувофиқ, Тошкент шаҳар ИИББ Тергов бошқармаси масъуллигида “Кучли таъсир қилувчи ёки заҳарли моддаларни қонунга хилоф равишда муомалага киритиш (ЖКнинг 2511-моддаси) жиноятларини тергов қилишнинг ўзига хос хусусиятлари, исботланиши лозим бўлган ҳолатлар, амалиётда юзага келаётган муаммолар, бу соҳадаги оқлов, қўшимча тергов, судларнинг хусусий ажримлари, прокуратура органлари тақдимномалари сабаблари” мавзусида тергов бўлинмалари ходимларининг билим савияси ва касб маҳоратини оширишга қаратилган навбатдаги вилоятлараро ўқув-семинари бўлиб ўтди.

Семинарда вазирлик ҳузуридаги Тергов департаменти ва унинг қуйи бўлинмалари барча ходимлари видеоконференцалоқа тизимига уланган ҳолда иштирок этишди.

Шунингдек, мазкур ўқув-семинарда, жиноят ишлари бўйича Юнусобод туман суди судьяси Хасанов Тимур Холмаматович;

ИИВ Академияси жиноят ҳуқуқи кафедраси катта ўқитувчиси подполковник Дадажонов Вохиджон Махмуджонович;

ИИВ ЭКБМдан бош эксперт подполковник Абдували Абдукаримов;

  Тошкент шаҳар прокуратураси 16-бўлим прокурори 2-даражали юрист Камолов Отажон Дониёровичлар иштирок этишди.

Маърузачи сифатида Тошкент шаҳар Чилонзор тумани бўйича ИИО ФМБ 1-сон ИИБ Тергов бўлинмаси катта терговчиси капитан Бобожонов Журат Жанибекович сўзга чиқиб, мавзуни тўла ёритиб берди.

Мавзу юзасидан ҳудудий студиялардан қатнашган тергов бўлинмалари ходимларининг саволларига Ж.Бобожонов ҳамда мутахассислар томонидан батафсил тушунтиришлар берилди.

Ўқув машғулоти баҳс мунозараларга бой, қизғин, савол-жавоб шаклида ўтди, жойлардаги терговчилар ўзларини қизиқтирган саволларга атрофлича жавоб олишди.

 

Ўзбекистон Республикаси ИИВ ҳузуридаги Тергов департаменти

Белгиланган матнни тинглаш учун қуйидаги тугмани босинг Powered by GSpeech