Самарқандда спорт мусобақалари давом этмоқда

Ўзбекистон Республикаси Ички ишлар вазирининг 2019 йил 26 августдаги “Ички ишлар органларининг ёш ходимлари билан ишлаш тизимини такомиллаштириш тўғрисида”ги ва 2020 йил 20 февраль кунидаги “Ички ишлар вазирлигининг таркибий тузилмалари ва ҳудудий бўлинмаларида спорт мусобақаларини ўтказиш тўғрисида”ги ҳамда вилоят ИИБ бошлиғининг 2020 йил 05 мартдаги буйруғи талаблари асосида шахсий таркиб ўртасида соғлом турмуш тарзини тарғиб қилиш ва ходимларнинг жисмоний тайёргарлигини ошириш мақсадида Кадрлар бошқармаси томонидан вилоят Ички ишлар бошқармасининг таркибий тузилмалари ва ҳудудий бўлинмалари ходимлари ўртасида спортнинг шахмат-шашка ҳамда стол теннис турлари бўйича мусобақалар ўтказилди.

Мусобақани Кадрлар бошқармаси бошлиғининг ўринбосари подполковник Ж.Давронов очиб берди ва иштирокчиларга омадлар тилади.

Спортнинг шахмат тури бўйича 18 нафар иштирок этган ходимлар орасидан 1-ўринни Самарқанд шаҳри бўйича ИИО ФМБ, 2-ўринни Каттақўрғон тумани ИИБ, 3-ўринни Жомбой тумани ИИБ ходимлари қўлга киритди.

Спортнинг шашка тури бўйича 16 нафар иштирок этган ходимлар орасидан 1-ўринни Нуробод тумани ИИБ, 2-ўринни Пастдарғом тумани ИИБ, 3-ўринни 7252-харбий қисм ходимлари қўлга киритди.

Спортнинг стол теннис тури бўйича 26 нафар иштирок этган ходимлар орасидан 1-ўрин Кадрлар бошқармаси, 2-ўрин Самарқанд шаҳри бўйича ИИО ФМБ, 3-ўрин Тергов бошқармаси ходимларига насиб этди.

Спортнинг мини футбол тури бўйича мусобақага эртага старт берилади унда 26 та жамоа Ўзбекистон Футбол федерациясининг мини-футбол қоидалари асосида беллашади.

Ўзбекистон Республикаси ИИВ ҳузуридаги Тергов департаменти