Ўзбекистон Республикаси Ички ишлар вазирлиги ҳузуридаги Тергов департаменти
O'zbekiston Respublikasi Ichki ishlar vazirligi huzuridagi Tergov departamenti

60 ёшли отахонга нисбатан талончилик содир этган шахс қонундан қочиб қутулолмади

Тошкент вилояти. 2022 йил 28 март куни Паркент тумани Невич махалласида яшовчи 60 ёшли г.Б. туман ИИБ бошлиғи номига ариза билан мурожаат қилиб, унда 25 март куни соат 21:00ларда Ўртачирчиқ тумани Майрамкўл маҳалласи ҳудудида жойлашган автомашиналарга техник хизмат кўрсатиш шахобчасидаги қоровулхона ичига номаълум шахс бостириб кириб, кули билан юзига уриб, унга тегишли бўлган 400.000 сўм нақд пуллари ва 1 дона нархи 200.000 сўмлик “Nokia” русумли қўл телефонини очиқдан-очиқ эгаллаб, ҳодиса содир бўлган жойдан номаълум томонга яшринганлигини баён қилиб, унга нисбатан қонуний чора кўришни сўраган.

Олиб борилган тергов-тезкор ишлар натижасида мазкур жиноятни Тошкент вилояти Юқоричирчиқ туманида яшовчи 28 ёшли К.Қ. содир қилганлиги аниқланиб, ундан талончилик йўли билан қўлга киритган 1 дона “Nokia” русумли қўл телефони ашёвий далилий тариқасида расмийлаштириб олинган.

Мазкур ҳолат юзасидан Ўртачирчиқ тумани ИИБ ҳузуридаги Тергов бўлими томонидан юқоридаги шахсга нисбатан Ўзбекистон Республикаси Жиноят кодекснинг 166-моддаси 3-қисми “Б” банди (талончилик) билан жиноят иши қўзғатилиб, у процессуал тартибда ушланган.

Тергов ҳаракатлари давом этмоқда.

Ўзбекистон Республикаси ИИВ ҳузуридаги Тергов департаменти

Белгиланган матнни тинглаш учун қуйидаги тугмани босинг Powered by GSpeech