Самарқандда гиёҳвандлик воситалари билан қонунга хилоф равишда муомала қилиш ҳолатлари юзасидан 2 та жиноят иши қўзғатилди.
2020 йил 04 февраль куни тахминан соат 15:33 ларда, Самарқанд шаҳар Рудакий кўчасида жойлашган дорихонанинг эгаси 19 ёшли Ў.Б. вазни 0,8 гр. бўлган 10 та конвалютадаги жами 100 дона “кодекс” номли дори-воситасини 150.000 сўм эвазига қонунга хилоф равишда сотган вақтида Самарқанд вилояти ИИБ ЖҚБ ходимлари томонидан ушланиб, холислар иштирокида тегишли тартибда расмийлаштирилган.
Мазкур ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Ўзбекистон Республикаси Жиноят Кодексининг 273-моддаси 2-қисми билан жиноят иши қўзғатилган ва Ў.Б.га нисбатан ушбу модда билан айблов эълон қилинган, ҳозирда тергов ҳаракатлари давом этмоқда.
2020 йил 05 февраль куни соат 19:00 ларда, Самарқанд шаҳар “8 март” кўчасида жойлашган дорихонанинг эгаси 21 ёшли Б.Ў. вазни 0,4 грамм бўлган 50 дона “кодекс” номли дори-воситасини 75.000 сўм эвазига қонунга хилоф равишда сотган вақтида Самарқанд вилояти ИИБ ЖҚБ ходимлари томонидан ушланиб, холислар иштирокида тегишли тартибда расмийлаштирилган.
Мазкур ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Ўзбекистон Республикаси Жиноят Кодексининг 273-моддаси 2-қисми билан жиноят иши қўзғатилган ва Б.Ў. га нисбатан ушбу модда билан айблов эълон қилинган, ҳозирда тергов ҳаракатлари давом этмоқда.
Ўзбекистон Республикаси ИИВ ҳузуридаги Тергов департаменти.
