Хоразм. 2020 йилнинг 07 сентябрь куни соат 22:50 да вилоят божхона бошқармаси, ИИБ ва ДХХ ҳодимлари билан ҳамкорликда, ўтказилган тезкор тадбир давомида, Урганч шаҳар 4-даҳада яшовчи 50 ёшли Ф.О. (аёл) яшаш хонадонида икки бўлак полиэтилен пакет бўлагига ўралган соф оғирлиги 28.49 грамм бўлган “опий” гиёҳвандлик воситасини қонунга хилоф равишда 12.000.000 сўмга сотган вақтида ушланган ҳамда гиёҳванд воситаси ва пуллар ашёвий далил тариқасида расмийлаштириб олинган.

Шунингдек, Ф.О., нинг яшаш уйи холислар иштирокида кўздан кечирилганда,  хонадонда бир дона полиэтилен пакет бўлакчасига ўралган соф оғирлиги 2.94 грамм бўлган “опий” гиёҳвандлик воситасини сотиш мақсадида сақлаб келаётганлиги аниқланган ва поцессуал тартибда ҳужжатлаштириб олинган.

Ҳолат юзасидан Хоразм вилояти божхона бошқармаси томонидан Ф.О., га нисбатан Ўзбекистон Республикаси Жиноят кодексининг 273-моддаси 5-қисми (гиёҳвандлик воситаларини кўп миқдорда қонунга хилоф равишда сотиш) билан жиноят иши қўзғатилиб, тегишлилиги бўйича Урганч шаҳри бўйича ИИО ФМБ ҳузуридаги Тергов бўлимига юборилган.

Жиноят иши бўйича Ф.О., айбланувчи тариқасида жалб қилиниб, унга нисбатан “қамоққа олиш” тарзидаги эҳтиёт чораси қўлланилган. Тергов ҳаракатлари давом этирилмоқда.

 Ўзбекистон Республикаси ИИВ ҳузуридаги Тергов департаменти