Бош прокуратура бошқарма бошлиғи Ф.Абдурахимов ва Тошкент шаҳар прокурорининг биринчи ўринбосари А.Урманов ҳамда Ички ишлар вазирлиги раҳбарияти билан биргаликда пойтахтда жиноятчилик аҳволи юзасидан йиғилиш ўтказилди.

Танқидий руҳда ўтказилган йиғилишда шаҳарнинг криминоген вазиятига таъсир кўрсатаётган омиллар, жиноятчилик ва ҳуқуқбузарликларга қарши курашиш, унинг профилактикаси, жиноятларни фош этиш, дастлабки тергов ва терговга қадар текширув сифатини ошириш, бу борадаги ишларни ҳамкорликда ташкил қилиш масалалари муҳокама қилинди.

Йиғилиш якунида келгуси йилда жиноятчиликни олдини олиш ва жазо муқаррарлигини таъминлаш борасида чора-тадбирлар белгиланди.

Ўзбекистон Республикаси ИИВ ҳузуридаги Тергов департаменти