Тошкент вилояти ИИББ ҳузуридаги Тергов бошқармаси ва унинг қуйи бўлинмалари томонидан жорий йилнинг 9 ойи давомида амалга оширилган ишлар ва йўл қўйилган камчиликлар муҳокама қилинди.

Йиғилишда ходимларнинг хизмат фаолияти давомида эришган ижобий натижалари, тергов кўрсаткичлари, тизимда амалга оширилаётган ислоҳотлар, яратилган шарт-шароитлар хусусида сўз борди.

Шунингдек, ўтган даврда йўл қўйилган камчиликлар танқидий таҳлил қилинди. Жорий йилнинг 3-чорак якунида барча йўналиш бўйича юқори натижаларга эришган Тергов жамоалари Тергов бошқармаси номинацияси ва совғалар билан тақдирланди.

Йиғилиш давомида барча шаҳар-туман ИИБ ҳузуридаги тергов бўлимларига компьютер жамланмаси ва принтерлар, ҳар бир терговчи ва суриштирувчиларга эсдалик учун блокнотлар тарқатилди.

2023 йилнинг 9 ойи давомида ижобий кўрсатгичларга эришиб, ҳамкасбларига ўрнак бўлиб келаётган ходимларнинг ота-оналари вилоят Ички ишлар бош бошқармаси бошлиғининг фахрий ёрлиқлари билан рағбатлантирилди ҳамда Тергов соҳасида узоқ йиллар давомида хизмат қилган ходимлар муносиб равишда нафақага кузатилди.

Ўзбекистон Республикаси ИИВ ҳузуридаги Тергов департаменти