Наманган вилояти. 2021 йилнинг 10 март куни номаълум шахс Поп тумани Ифтихор МФЙ.,да яшовчи Жаҳонгир З.,нинг яшаш хонадонининг ҳовлисида жойлашган каптархонага ғайриқонуний равишда кириб, унга тегишли нархи 2 000 000 сўмлик 12 дона кабутарларни яширин равишда ўғирлаб ҳодиса жойидан яширинган.

Олиб борилган тезкор қидирув ҳаракатлари давомида, ушбу жиноятни 11-синф ўқувчиси 18 ёшли Санжар Х., содир этганлиги аниқланиб, у ҳам кабутар боқишга қизиқиши, кабутарларни ўғирлаб кетаётган вақтида 6 таси учиб кетиб қолганлиги аниқланиб, 6 дона кабутар тегишли тартибда расмийлаштириб олинган.

Мазкур ҳолат юзасидан Поп тумани ИИБ ҳузуридаги Тергов бўлими томонидан Санжар Х.,га нисбатан Ўзбекистон Республикаси Жиноят кодексининг 169-моддаси 2-қисми “г” банди (Ўғрилик) билан жиноят иши қўзғатилиб, гумон қилинувчи тариқасида жалб қилинган.

Ҳозирда тергов давом этмоқда.      

Ўзбекистон Республикаси ИИВ ҳузуридаги Тергов департаменти