Ўзбекистон Республикаси Ички ишлар вазирлиги ҳузуридаги Тергов департаменти
O'zbekiston Respublikasi Ichki ishlar vazirligi huzuridagi Tergov departamenti
Тест режимида

Чирчиқда 2 нафар вояга етмаганларни жиноятга жалб қилиб, босқинчилик содир этган шахс ушланди.

2020 йил 12 январь куни соат тахминан 02:00 ларда номаълум шахслар Чирчиқ шаҳар 8-кичик ноҳия ҳудудида пиёда ўтиб кетаётган 43 ёшли З.Т.,нинг орқа томонидан келиб, босқинчилик йўли билан эгнидаги курткасининг чўнтагидан 800.000 сўм пуллари ва бир дона “Samsung Galaxy J6 PRO” русумли уяли алоқа воситасини талон-торож қилиб, ҳодиса жойидан яширинишган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Ўзбекистон Республикаси Жиноят кодексининг 164-моддаси 2-қисми “б” банди билан жиноят иши қўзғатилган.

Олиб борилган тергов-тезкор ҳаракатлари натижасида ушбу жиноятни 20 ёшли фуқаро Р.Х., субъект ёшига тўлмаган вояга етмаган 11 ёшли Б.Т. ва 12 ёшли Д.К.,лар билан биргаликда, уларни жиноят содир этишга жалб қилган ҳолда содир этганлиги аниқланган ва Р.Х.,дан бир дона “Samsung Galaxy J6 PRO” русумли уяли алоқа воситаси ашёвий далил тариқасида расмийлаштириб олинган.

Терговда Р.Х. Ўзбекистон Республикаси Жиноят кодексининг 164-моддаси 2-қисми “б” банди (босқинчилик) ва 127-моддаси 3-қисми “б” банди (Вояга етмаган шахсни ғайриижтимоий хатти-ҳаракатларга жалб қилиш) билан гумон қилинувчи тариқасида иштирок этишга жалб қилинган ҳамда процессуал тартибда ушланган.
Ҳозирда дастлабки тергов ҳаракатлари олиб борилмоқда.

Ўзбекистон Республикаси ИИВ ҳузуридаги Тергов департаменти

Белгиланган матнни тинглаш учун қуйидаги тугмани босинг Powered by GSpeech