2018 yil 7 dekabr kuni soat taxminan 19:30da, ikki nafar noma’lum shaxs Sirdaryo viloyat Guliston shahri hududida fuqaro G’.D.ni kuch ishlatish bilan qo’rqitib, uning qo’lida bo’lgan  “Samsung” rusumli uyali telefonini tortib olib, hodisa joyidan yashirinishgan.

Ichki ishlar organlari xodimlari tomonidan o‘tkazilgan tergov-tezkor tadbirlari natijasida, ushbu jinoyatni fuqaro Q.A. va T.J.lar sodir etganliklari aniqlanib, ular ashyoviy dalil bilan ushlangan.

Mazkur holat yuzasidan O‘zbekiston Respublikasi Jinoyat kodeksining 166-moddasi 2-qismi “v” bandi (talonchilik, ya’ni o‘zganing mulkini bir guruh shaxslar tomonidan oldindan til biriktirib,ochiqdan-ochiq talon-toroj qilish) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti