2018 yil 15 sentyabr kuni noma’lum shaxslar Toshkent shahar Uchtepa tuman hududida yo‘lovchi sifatida kelayotgan YU.N.ga nisbatan hayot va sog‘liq uchun xavfli bo‘lmagan zo‘rlik ishlatib, bo‘ynidan sariq metalldan ishlangan zanjirini yulib olib, hodisa joyidan yashiringanlar.

Mazkur holat yuzasidan O‘zbekiston Respublikasi Jinoyat kodeksining 166-moddasi 2-qismi “a” bandi (talonchilik, ya’ni hayot va sog‘liq uchun xavfli bo‘lmagan zo‘rlik ishlatib o‘zganing mulkini ochiqdan-ochiq talon-toroj qilish) bilan jinoyat ishi qo‘zg‘atilgan.

17 sentyabr kuni ichki ishlar organlari xodimlari tomonidan o‘tkazilgan tergov-tezkor tadbirlari natijasida ushbu jinoyat Yu.J. va A.S. lar tomonidan sodir etilganligi aniqlanib, ular ashyoviy dalillar bilan ushlangan.

Hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti