Jinoyat ishlari bo‘yicha Qashqadaryo viloyati G‘uzor tuman sudi tomonidan talonchilik jinoyati sodir etganligi uchun 31 yoshli xavfli residivist S.Sardorga nisbatan hukm e'lon qilindi.

G‘uzor tuman IIB huzuridagi Tergov bo‘limi tomonidan aniqlanishicha, muqaddam sudlangan xavfli residivist S.Sardor, o‘zganing mulkini jinoiy yo‘l bilan qo‘lga kiritish maqsadida er-xotin Z.M. va X.T.larga 10 dona tikuv mashinalarini tanishlari orqali 10.000.000 so‘m evaziga sotib olib berishga kelishib, uning yashash xonadoniga polietilen paketga solingan 10.000.000 so‘m pullar bilan kelgan Z.M.ni itarib yuborib, qo‘lidagi pullarni ochiqdan-ochiq talon-toroj qilib, hodisa joyidan yashiringan.

Olib borilgan tezkor qidiruv tadbirlari jarayonida S.Safarov ushlangan. Mazkur holat yuzasidan G‘uzor tumani IIB huzuridagi TB tomonidan O‘zbekiston Respublikasi Jinoyat kodeksining 166-moddasi 3-qismi “a” bandi bilan jinoyat ishi qo‘zg‘atilib, S.Sardorga nisbatan shu modda bilan ayblov e'lon qilingan va “qamoqqa olish” tarzidagi ehtiyot chorasi qo‘llanilgan.

Sud hukmiga ko‘ra ayblanuvchi O‘zbekiston Respublikasi JKning 166-moddasi 3-qismi “a” bandi (xavfli residivist tomonidan o‘zganing mulkini ochiqdan-ochiq talon-toroj qilish) bilan aybdor deb topilgan va unga nisbatan 5 yil muddatga ozodlikdan mahrum qilish jazosi tayinlangan.

Sud hukmi qonuniy kuchga kirgan.

O‘zbekiston Respublikasi IIV huzuridagi Tergov departamenti.

----------

Жиноят ишлари бўйича Қашқадарё вилояти Ғузор туман суди томонидан талончилик жинояти содир этганлиги учун 31 ёшли хавфли рецидивист С.Сардорга нисбатан ҳукм эълон қилинди.

Ғузор туман ИИБ ҳузуридаги Тергов бўлими томонидан аниқланишича, муқаддам судланган хавфли рецидивист С.Сардор, ўзганинг мулкини жиноий йўл билан қўлга киритиш мақсадида эр-хотин З.М. ва Х.Т.ларга 10 дона тикув машиналарини танишлари орқали 10.000.000 сўм эвазига сотиб олиб беришга келишиб, унинг яшаш хонадонига полиэтилен пакетга солинган 10.000.000 сўм пуллар билан келган З.М.ни итариб юбориб, қўлидаги пулларни очиқдан-очиқ талон-торож қилиб, ҳодиса жойидан яширинган.

Олиб борилган тезкор қидирув тадбирлари жараёнида С.Сафаров ушланган. Мазкур ҳолат юзасидан Ғузор тумани ИИБ ҳузуридаги ТБ томонидан Ўзбекистон Республикаси Жиноят кодексининг 166-моддаси 3-қисми “а” банди билан жиноят иши қўзғатилиб, С.Сардорга нисбатан шу модда билан айблов эълон қилинган ва “қамоққа олиш” тарзидаги эҳтиёт чораси қўлланилган.

Суд ҳукмига кўра айбланувчи Ўзбекистон Республикаси ЖКнинг 166-моддаси 3-қисми “а” банди (хавфли рецидивист томонидан ўзганинг мулкини очиқдан-очиқ талон-торож қилиш) билан айбдор деб топилган ва унга нисбатан 5 йил муддатга озодликдан маҳрум қилиш жазоси тайинланган.

Суд ҳукми қонуний кучга кирган.

Ўзбекистон Республикаси ИИВ ҳузуридаги Тергов департаменти