2018 yil 9 sentyabr kuni soat taxminan 15:30da, M.G. boshqaruvidagi “Kaptiva” rusumli avtomashinasini Jizzax viloyat Forish tumanidagi “Jizzax-Qizilcha” 4R-36 yo'lining 42 kilometrida harakatlanib, qarama-qarshi yo'nalishdan kelayotgan Z.E. boshqaruvidagi “Neksiya” rusumli avtomashinasi bilan to'qnashuv sodir etgan va yo'l-transport xodisasi natijasida “Neksiya” rusumli avtomashina haydovchisi va uning yo'lovchisi I.S. hodisa joyida vafot etganlar.

Shuningdek, shu kuni soat taxminan 17:00da, K.Sh. boshqaruvidagi “Kaptiva” rusumli avtomashinasini Qashqadaryo viloyat Kitob tumanidagi “Toshkent-Termiz” M-39 yo'lining 1147 kilometrida yuqori tezlikda harakatlanib, piyodalar voyaga etmagan K.S. va K.M.larni urib yuborib, yo'l-transport xodisasini sodir etgan, natijada voyaga etmagan K.S. va K.M.lar hodisa joyida vafot etganlar.

Mazkur holatlar yuzasidan O‘zbekiston Respublikasi Jinoyat kodeksining 266-moddasi 3-qismi “а” bandi (transport vositalari harakati yoki ulardan foydalanish xavfsizligi qoidalarini buzish, odamlar o‘lishiga sabab bo‘lsa) bilan jinoyat ishi qo‘zg‘atilib, tergov harakatlariga kirishilgan.

O‘zbekiston Respublikasi IIV huzuridagi Tergov departamenti