To‘yda iste’mol qilingan spirtli ichimlik janjalga sabab bo‘ldi
2018 yil 5 sentyabr kuni soat taxminan 01:30da, SH.N., B.D. va N.U.lar spirtli ichimliklar iste’mol qilgan holda, Toshkent viloyat Angren shahrida joylashgan “Afsona” to‘yxonasi binosi orqa tomonida fuqaro A.S. bilan o‘rtalarida kelib chiqqan o‘zaro janjal oqibatida, uning tanasini turli joylariga urib-do‘pposlab, og‘ir tan jarohati etkazishgan.
Natijada A.S. kasalxonaga yotqizilgan. SH.N., B.D. va N.U.lar ushlangan.
Mazkur holat yuzasidan O‘zbekiston Respublikasi Jinoyat kodeksining
104-moddasi 2-qismi “k” bandi (bir guruh shaxslar tomonidan qasddan badanga og‘ir shikast etkazish) bilan jinoyat ishi qo‘zg‘atilgan bo‘lib, dastlabki tergov harakatlari olib borilmoqda.
O‘zbekiston Respublikasi IIV huzuridagi Tergov departamenti
