2019 yil 15 dekabr kuni taxminan soat 23:30 larda 32 yoshli M.M. “Cobalt” rusumli avtomashinasini “Tuzloq” mahallasi hududidan o‘tuvchi ichki yo‘lda boshqarib kelib, shu yo‘nalishda o‘zining oldida harakatlanib ketayotgan, 43 yoshli N.S. boshqaruvida bo‘lgan “Tico” rusumli avtomashinasini orqa tomoniga urilib, yo‘l transport hodisasi sodir etgan.   

Oqibatda, “Tico” avtomobili yo‘lovchilari 43 yoshli O‘.A. va ayollar 42 yoshli B.J., 41 yoshli D.Yu., 17 yoshli Yo.R.lar og‘ir tan jarohati olib, Yangiariq tuman tibbiyot birlashmasining jonlantirish bo‘limiga yotqizilganlar. Shifokorlar tomonidan ko‘rsatilgan tibbiy muolajalarga qaramasdan ularning barchasi shifoxonada vafot etishgan.

Mazkur holat yuzasidan Yangiariq tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 266-moddasi 3-qismi “a” bandi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyati ishi qo‘zg‘atilgan.

Hozirda ushbu jinoyat ishi bo‘yicha dastlabki tergov harakatlari olib borilmoqda.

--------------------------------------

2019 йил 15 декабрь куни тахминан соат 23:30ларда 32 ёшли М.М. “Cобалт” русумли автомашинасини “Тузлоқ” маҳалласи ҳудудидан ўтувчи ички йўлда бошқариб келиб, шу йўналишда ўзининг олдида ҳаракатланиб кетаётган, 43 ёшли Н.С. бошқарувида бўлган “Тиcо” русумли автомашинасини орқа томонига урилиб, йўл транспорт ҳодисаси содир этган.   

Оқибатда, “Тиcо” автомобили йўловчилари 43 ёшли Ў.А. ва аёллар 42 ёшли Б.Ж., 41 ёшли Д.Ю., 17 ёшли Ё.Р.лар оғир тан жароҳати олиб, Янгиариқ туман тиббиёт бирлашмасининг жонлантириш бўлимига ётқизилганлар. Шифокорлар томонидан кўрсатилган тиббий муолажаларга қарамасдан уларнинг барчаси шифохонада вафот этишган.

Мазкур холат юзасидан Янгиариқ тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 266-моддаси 3-қисми “а”банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жинояти иши қўзғатилган.

Ҳозирда ушбу жиноят иши бўйича дастлабки тергов ҳаракатлари олиб борилмоқда.

Ўзбекистон Республикаси ИИВ ҳузуридаги Тергов департаменти

Тайёрлади: капитан Ж.Қодиров