Namangan. 2020 yil 08 maydan 09 mayga oʼtar kechasi nomaʼlum shaxs Pop tumani Vodiy MFY hududida joylashgan 34 yoshli F.J., ga tegishli doʼkonga eshik qulfini buzish yoʼli bilan gʼayriqonuniy ravishda kirib, u yerdan 1.000.000 soʼm va 200 АQSh dollari naqd pul hamda 7.000.000 soʼmlik xoʼjalik va oziq-ovqat mahsulotlarini oʼgʼirlab, hodisa joydan yashiringan.

Holat yuzasidan Pop tumani IIB huzuridagi Tergov boʼlimi tomonidan Oʼzbekiston Respublikasi Jinoyat kodeksining 169-moddasi 2-qismi “g” bandi (oʼgʼirlik) bilan jinoyat ishi qoʼzgʼatilgan.

Tergov-tezkor harakatlari natijasida ushbu jinoyatni 29 yoshli O.А. va qoʼshnisi 27 yoshli А.E., lar sodir etganliklari aniqlanib, oziq-ovqat va parfyumeriya mahsulotlari ashyoviy dalil tariqasida rasmiylashtirib olingan. O.А. va А.E., lar gumon qilinuvchi tariqasida jalb qilinganlar.

Oʼzbekiston Respublikasi IIV huzuridagi Tergov departamenti