2018 yil 30 sentyabr kuni soat taxminan 21:30da, noma'lum shaxs Bektemir tumanida joylashgan “Toshkent qishloq xo'jalik mahsulotlari ulgurji bozori” AJ poliz mahsulotlari savdo rastasida fuqaro X.N.ga tegishli bo'lgan bozor sumkasidan 1.000.000 so'm pulini ochiqdan-ochiq talon-toroj qilib, hodisa sodir bo'lgan joydan yashiringan.

1 oktyabr kuni ichki ishlar organi xodimlari tomonidan o‘tkazilgan tergov-tezkor tadbirlari natijasida ushbu jinoyatni muqaddam talonchilik jinoyati bo`yicha sudlangan A. B. sodir etganligi aniqlanib, ashyoviy dalillar bilan ushlangan.

Mazkur holat yuzasidan O‘zbekiston Respublikasi Jinoyat kodeksining 166-moddasi 3-qismi «а» bandi bilan (talonchilik, ya’ni xafvli retsidivist tomonidan o‘zganing mulkini ochiqdan-ochiq talon-toroj qilish) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti