2019 yil 22 yanvardan 23 yanvarga o’tar kechasi, noma'lum shaxs Namangan viloyat Chust tumanida yashovchi fuqaro Sh.Z.ning uyiga ga’yriqonuniy ravishda kirib, omborxonadan og’irligi 50 kilogrammga teng bo’lgan bahosi 300.000 so'mlik bir qop loviya mahsulotlarini yashirin ravishda talon-toroj qilib, hodisa sodir bo’lgan joydan yashiringan.

Ichki ishlar organlari xodimlari tomonidan o‘tkazilgan tergov-tezkor tadbirlari natijasida ushbu jinoyatni Y.Z. sodir etganligi aniqlanib, ashyoviy dalillar bilan ushlangan.

Mazkur holat yuzasidan O‘zbekiston Respublikasi Jinoyat kodeksining 169-moddasi 2-qismi «g» bandi bilan (o’g’rilik, o’zganing mol-mulkini uy-joy, omborxona yoki boshqa xonaga g’ayriqonuniy ravishda kirib, yashirin ravishda talon-toroj qilish) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti