Hurmatli Po’lat Razzoqovich!

Sizni va barcha Ichki ishlar organlari xodimlarini O’zbekiston Respublikasi Milliy gvardiyasi qo’mondonligi hamda shaxsiy tarkibi nomidan “25-oktyabr O’zbekiston Respublikasi Ichki ishlar organlari xodimlari kuni” munosabati bilan chin yurakdan muborakbod etamiz!
Davlat xavfsizligini va jamoat tartibini saqlashda hamda xalqimizning osoyishtaligini ta’minlashda Sizning boshchiligingizdagi Ichki ishlar organlari xodimlarining o’rni beqiyosdir.
Ushbu kasb bayrami munosabati bilan Sizga va Siz orqali Ichki ishlar vazirligining shaxsiy tarkibiga sihat-salomatlik, oilaviy
tinchlik-xotirjamlik, mamlakatimiz xavfsizligini ta’minlashda kuch va quvvat, ulkan muvaffaqiyatlar tilaymiz. 

Hurmat bilan,
O’zbekiston Respublikasi
Milliy gvardiyasi qo’mondoni
general-polkovnik B. Tashmatov