Joriy yilning 17 dekabr kuni Namangan viloyati IIB boshlig‘ining o‘rinbosari – Tergov boshqarmasi boshlig‘i podpolkovnik T.M.Mustafaev tomonidan Yangiqo‘rg‘on tuman Xalq qabulxonasida tuman aholisi ishtirokida sayyor qabul o‘tkazildi.

Qabul jarayonida jami 11 nafar fuqarolardan umumiy 8 ta murojaatlar kelib tushgan bo‘lib, ulardan 5 tasi joyida qanoatlantirildi, bir nafar fuqaroning murojaati bo‘yicha mutassaddi xodimlarga ko‘rsatma berilib, yana 1 ta murojaat tegishliligi bo‘yicha tuman hokimligiga yuborilib, ijrosi nazoratga olindi va yana boshqa bir murojaat muallifiga tushuntirish berildi.

Shu bilan birga qabul jarayonida 5 nafar 16 yoshga to‘lgan yoshlarga O‘zbekiston Respublikasining fuqarolik pasportlari va Konstitusiyasi tantanali ravishda topshirildi.

Hozirda tasdiqlangan reja asosida Namangan viloyati IIB boshlig‘ining o‘rinbosari podpolkovnik T.M.Mustafaev tomonidan viloyatning barcha shahar va tumanlarida sayyor qabullar o‘tkazilishi davom etmoqda.

------------------------------------------------------

Жорий йилнинг 17 декабрь куни Наманган вилояти ИИБ бошлиғининг ўринбосари – Тергов бошқармаси бошлиғи подполковник Т.М.Мустафаев томонидан Янгиқўрғон туман Халқ қабулхонасида туман аҳолиси иштирокида сайёр қабул ўтказилди.

Қабул жараёнида жами 11 нафар фуқаролардан умумий 8 та мурожаатлар келиб тушган бўлиб, улардан 5 таси жойида қаноатлантирилди, бир нафар фуқаронинг мурожаати бўйича мутассадди ходимларга кўрсатма берилиб, яна 1 та мурожаат тегишлилиги бўйича туман ҳокимлигига юборилиб, ижроси назоратга олинди ва яна бошқа бир мурожаат муаллифига тушунтириш берилди.

Шу билан бирга қабул жараёнида 5 нафар 16 ёшга тўлган ёшларга Ўзбекистон Республикасининг фуқаролик паспортлари ва Конституцияси тантанали равишда топширилди.

Ҳозирда тасдиқланган режа асосида Наманган вилояти ИИБ бошлиғининг ўринбосари подполковник Т.М.Мустафаев томонидан вилоятнинг барча шаҳар ва туманларида сайёр қабуллар ўтказилиши давом этмоқда.

 Ўзбекистон Республикаси ИИВ ҳузуридаги Тергов департаменти