Язык:
☰ Menyu

O'zbekiston Respublikasi
Ichki ishlar vazirligi huzuridagi
Tergov departamenti

Har doim
aloqada 1102

Butunjahon OITSga qarshi kurash kuni

BMT Bosh assambleyasi va Butunjahon Sogʼliqni saqlash Tashkiloti tomonidan 1988 yilda qabul qilingan qarorga binoan har yili “1 dekabrь kuni - Butunjahon OITSga qarshi kurash kuni” sifatida nishonlanishi belgilangan.

 

Har yili nishonlanadigan ushbu xalqaro kun butun dunyo boʼylab OIV va OITS pandemiyasining tarqalishiga qarshi kurashda hamkorlikdagi saʼy-harakatlarni kuchaytirishga xizmat qiladi. Tashkil etilgan saʼy-harakatlar OIV/OITS tarqalishining oldini olish boʼyicha dasturlarni davlat tomonidan qoʼllab-quvvatlashga, OIV/OITSning barcha qirralari boʼyicha oʼqitish va maʼlumot berishga qaratilgan.

 

Butunjahon OITSga qarshi kurashish kuni aksariyat mamlakatlarda har yili oʼtkaziladigan tadbirga aylandi va har yili dolzarb muammolarni aks ettiruvchi turli shiorlar ostida oʼtkaziladi. Garchi 1 dekabrь kuni sana sifatida belgilangan boʼlsa-da, koʼpgina jamoalar rasmiy bayramdan bir necha hafta oldin hamda undan keyin bir necha kun davomida boʼlib oʼtadigan oʼquv va diagnostika tadbirlarini oʼtkazadilar.

 

OITSga qarshi kurashning timsoli qizil tasma boʼlib, hozirda bironta kasallikka qarshi qaratilgan aktsiyalar va tadbirlar ushbu timsolsiz oʼtkazilmaydi. Ushbu qizil tasma OITSga qarshi kurashish ramzi sifatida 1991 yil bahorida yaratilgan. Uning gʼoyasi rassom Frenk Murga tegishli boʼlib, uning gʼoyasida: “Uzunligi 6 santimetr boʼlgan qizil tasmani kesib oling, soʼngra teskari qaratilgan “V” harfi shaklida tiklang” deb koʼrsatilgan.

 

Oʼzbekiston Respublikasi Ichki ishlar vazirligi huzuridagi Tergov departamenti.

--------------------------------------------------------------------------------------------

БМТ Бош ассамблеяси ва Бутунжаҳон Соғлиқни сақлаш Ташкилоти томонидан 1988 йилда қабул қилинган қарорга биноан ҳар йили “1 декабрь куни - Бутунжаҳон ОИТСга қарши кураш куни” сифатида нишонланиши белгиланган.


Ҳар йили нишонланадиган ушбу халқаро кун бутун дунё бўйлаб ОИВ ва ОИТС пандемиясининг тарқалишига қарши курашда ҳамкорликдаги саъй-ҳаракатларни кучайтиришга хизмат қилади. Ташкил этилган саъй-ҳаракатлар ОИВ/ОИТС тарқалишининг олдини олиш бўйича дастурларни давлат томонидан қўллаб-қувватлашга, ОИВ/ОИТСнинг барча қирралари бўйича ўқитиш ва маълумот беришга қаратилган.


Бутунжаҳон ОИТСга қарши курашиш куни аксарият мамлакатларда ҳар йили ўтказиладиган тадбирга айланди ва ҳар йили долзарб муаммоларни акс эттирувчи турли шиорлар остида ўтказилади. Гарчи 1 декабрь куни сана сифатида белгиланган бўлса-да, кўпгина жамоалар расмий байрамдан бир неча ҳафта олдин ҳамда ундан кейин бир неча кун давомида бўлиб ўтадиган ўқув ва диагностика тадбирларини ўтказадилар.


ОИТСга қарши курашнинг тимсоли қизил тасма бўлиб, ҳозирда биронта касалликка қарши қаратилган акциялар ва тадбирлар ушбу тимсолсиз ўтказилмайди. Ушбу қизил тасма ОИТСга қарши курашиш рамзи сифатида 1991 йил баҳорида яратилган. Унинг ғояси рассом Френк Мурга тегишли бўлиб, унинг ғоясида: “Узунлиги 6 сантиметр бўлган қизил тасмани кесиб олинг, сўнгра тескари қаратилган “V” ҳарфи шаклида тикланг” деб кўрсатилган.


Ўзбекистон Республикаси Ички ишлар вазирлиги ҳузуридаги Тергов департаменти.

Powered by GSpeech