Andijon viloyati. Joriy yilning 09 fevral kuni soat 01:00 larda nomaʼlum shaxs Andijon tumani Kuyganyor Dexqon bozorida joylashgan 24 yoshli O.A.ning savdo do‘koniga g‘ayriqonuniy ravishda kirib, savdo do‘konida saqlanayotgan qiymati 1.200.000 so‘mlik bo‘lgan 0.5 l hajmdagi 240 dona “Pepsi” ichimliklarini yashirin ravishda talon-toroj qilib, hodisa bo‘lgan joyidan yashiringan.

Bundan tashqari, 11 mart kuni soat 03:30 larda nomaʼlum shaxs yana aynan O.A.ning savdo do‘koniga g‘ayriqonuniy ravishda kirib, savdo do‘konida saqlanayotgan qiymati 1.200.000 so‘mlik bo‘lgan 1.5 l hajmdagi jami 120 dona “Pepsi” ichimliklarini yashirin ravishda talon-toroj qilib, hodisa bo‘lgan joyidan nomaʼlum tomonga yashiringan.

Olib borilgan tergov-tezkor harakatlari natijasida mazkur jinoyatni Andijon viloyatida yashovchi ikki sinfdosh 25 yoshli M.D. va M.M. o‘zaro oldindan jinoiy til biriktirib sodir etkanliklari aniqlanib, ulardan ashyoviy dalil tariqasida 120 dona 1.5 l hajmli “Pepsi” ichimligi va 1.300.000 so‘m pullar rasmiylashtirib olingan.

Mazkur holat yuzasidan Andijon tumani IIB huzuridagi Tergov bo‘linmasi tomonidan M.D. va M.M.ga nisbatan O‘zbekiston Respublikasi Jinoyat kodeksning 169-moddasi 3-qismi “a” bandi (o‘g‘irlik) bilan jinoyat ishi qo‘zg‘atilgan.

Hozirda tergov harakatlari davom etmoqda.

O‘zbekiston Respublikasi IIV huzuridagi Tergov departamenti