O'zbekiston Respublikasi Ichki ishlar vazirligi huzuridagi Tergov departamenti
Следственный Департамент при Министерстве Внутренних дел Республики Узбекистан

“GM-Uzbekiston”ning soxta kadr xodimi

Andijon viloyati. Asaka tumani Qadriyat mahallasida yashovchi 29 yoshli Ya.Akmalbek fuqarolar 49 yoshli Sh.Nazirjon, 54 yoshli X.Solijon, 45 yoshli S.Furqat, 41 yoshli S.Sherzod va boshqalarga o‘zini “UzAutoMotors” AJning kadrlar bo‘limi boshlig‘i deb tanishtirib, go‘yoki ularni va qarindoshlarini “GM-Uzbekiston” avtomobil zavodiga haydovchilikka ishga kiritib qo‘yishi va imtiyozli to‘lovlar asosida avtomashina olib berishini vaʼda qilib, 2020 yil may oyidan iyun oyiga qadar bo‘lgan vaqt oralig‘ida ushbu fuqarolardan jami 21 100 AQSH dollar va 760 000 so‘m pul mablag‘larini aldov yo‘li bilan olib, shaxsiy ehtiyojlariga sarflab yuborgan.

Mazkur holat yuzasidan Asaka tumani IIB huzuridagi Tergov bo‘limi tomonidan Ya.Akmalbekka nisbatan O‘zbekiston Respublikasi Jinoyat kodeksining 168-moddasi 3-qismi “b” bandi (Firibgarlik) bilan jinoyat ishi qo‘zg‘atilgan.

Tergov harakatlari davomida, Ya.Akmalbek hech qayerda ishlamasligi aniqlangan.

Hozirda tergov davom etmoqda.  

Hurmatli fuqarolar! Birovga ishonch bildirishdan oldin chuqur o‘ylab ko‘ring. Firibgarlik qurboniga aylanib qolishdan ogoh bo‘ling!

 

 O‘zbekiston Respublikasi IIV huzuridagi Tergov departamenti

Belgilangan matnni tinglash uchun quyidagi tugmani bosing Powered by GSpeech