Namangan viloyati. Joriy yilning yil 18 dekabr kuni soat 17:00 larda Namangan tumanida yashovchi 26 yoshli A.N., Namangan tumani “Qurama” mahallasi hududida bo‘la turib, ushbu mahallada yashovchi 46 yoshli Q.F. bilan janjallashib qolishganligi sababli A.N. qo‘li bilan Q.F.,ning yuz qismiga bir marotaba urib tan jarohati yetkazgan so‘ngra uning chap qo‘lini “ZIL MM3554” rusumli avtomashina baloni bilan bosib o‘tib ketganligi aniqlangan. Natijada Q.F. tan jarohatlari bilan tuman tibbiyot birlashmasiga yotqizilgan.

Olib borilgan tergovga qadar tekshiruv natijasida aniqlanishicha, ushbu kuni A.N. o‘zining boshqaruvida bo‘lgan “ZIL MM3554” rusumli avtomashinasini “Qurama” mahallasi hududidagi ichki ko‘chalar bo‘ylab boshqarib ketayotib Q.F.,ning boshqaruvida bo‘lgan “NEXIA” rusumli avtomobil yo‘lni to‘sib qo‘yganligi sababli yo‘lini davom etira olmagan, Q.F. esa mast holatda bo‘la turib unga kutib turishini aytganligi sababli oralarida janjal vujudga kelgan.

Mazkur holat yuzasidan Namangan tuman IIB huzuridagi Tergov bo‘linmasi tomonidan A.N.,ga nisbatan O‘zbekiston Respublikasi Jinoyat kodeksining 104-moddasi 2-qismi “ye” bandi (qasddan badanga og‘ir shikast yetkazish) bilan jinoyat ishi qo‘zg‘atilib, protsessual tartibda ushlangan.

Hozirda jinoyat ishi bo‘yicha tergov harakatlari olib borilmoqda.

Muallif: Tergov departamenti UMIB tergovchisi

mayor Xabibullayev Azizbek

O‘zbekiston Respublikasi IIV huzuridagi Tergov departament