Surxondaryo. 2020 yilning 21 aprelь kuni soat 02:00 da haydovchi 23 yoshli S.P. “Nexia” rusumli avtomashinasida Boysun tumani “Temirdarvoza” mahallasi hududidan oʼtuvchi 39 avtomobilь yoʼlining 1334-kilometrida “Termiz-Toshkent” yoʼnalishi boʼyicha harakatlanib borib, ushbu yoʼnalish boʼyicha qoʼylarni haydab ketayotgan piyoda 28 yoshli А.Q., ni va unga tegishli boʼlgan 21 bosh qoʼylarni hamda 10 bosh qoʼzilarini urib yuborib, yoʼl-transport hodisasini sodir etgan.

Yoʼl-transport hodisasi oqibatida А.Q. tan jarohati olib hodisa joyida vafot etgan.

Holat yuzasidan Boysun tuman IIB huzuridagi Tergov boʼlinmasi tomonidan Oʼzbekiston Respublikasi Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qoʼzgʼatilgan.

Oʼzbekiston Respublikasi IIB huzuridagi Tergov departamenti