Samarqand. 2020 yilning 11 may kuni 30 yoshli А.А., (ayol) Paxtachi tuman IIBga ariza bilan murojaat qilib, oʼz arizasida 2020 yil 9 may kuni soat 20:30 da bir oʼzi Navroʼz koʼchasi boʼylab uyiga piyoda ketayotgan vaqtida, nomaʼlum shaxs orqa tomonidan kelib, unga nisbatan jismoniy kuch ishlatib, yengil tan jarohati yetkazib, qoʼlida boʼlgan narhi 1.000.000 soʼmlik “Samsung J-2” rusumli uyali aloqa vositasini tortib olib qochib ketganligini maʼlum qilgan.

Olib borilgan tezkor qidiruv tadbirlari davomida, ushbu jinoyatni 26 yoshli Sh.B., sodir etganligi aniqlanib, undan А.А, ga tegishli boʼlgan “Samsung J-2” rusumli qoʼl telefoni tegishli tartibda ashyoviy dalil sifatida hujjatlashtirilib olingan.

Holat yuzasidan Paxtachi tuman IIB huzuridagi Tergov boʼlimi tomonidan Oʼzbekiston Respublikasi Jinoyat kodeksining 166-moddasi 2-qismi “a” bandi (talonchilik) bilan jinoyat ishi qoʼzgʼatilgan. Sh.B., gumon qilinuvchi tariqasida jalb qilinib, protsessual tartibida ushlangan.

Oʼzbekiston Respublikasi IIV huzuridagi Tergov departamenti