Ўзбекистон Республикаси Ички ишлар вазирлиги ҳузуридаги Тергов департаменти
Следственный Департамент при Министерстве Внутренних дел Республики Узбекистан

Hokimni nomini sotib yer olib berishni vaʼda qilib aldagan shaxslarga nisbatan jinoyat ishi qo‘zg‘atildi

Namangan. 2019 yilning dekabr oylarida 48 yoshli A.X., va 23 yoshli B.B., lar oldindan jinoiy til biriktirib, bir guruh bo‘lib, Namangan shahar, G‘alcha MFYda yashovchi S.A.,ning ishonchiga kirib, unga “Namangan tuman hokimi bilan gaplashib, tikuvchilik sexi qurish uchun Namangan tumanida joylashgan “IDEAL” tikuvchilik korxonasi yonidagi dala maydonidan yer maydoni ajratib beramiz, har bir sotix yer uchun 700 AQSH dollaridan berasiz” - deb aldab, S.A.,ning ishonchini suiisteʼmol qilish yo‘li bilan juda ko‘p miqdoridagi, yaʼni 322.714.400 so‘m hisobidagi jami 34 ming AQSH dollarini qo‘lga kiritib, S.A.,ga yer maydoni olib bermay, firibgarlik yo‘li bilan qo‘lga kiritgan pul mablag‘larini shaxsiy manfaatlari uchun sarflab yuborgan.

Mazkur holat bo‘yicha 02.10.2020 yilda Namangan shahri bo‘yicha IIO FMB huzuridagi Tergov bo‘limi tomonidan A.X., va B.B.,larga nisbatan O‘zbekiston Respublikasi Jinoyat kodeksining 168-moddasi 4-qismi “a” bandi (firibgarlik) bilan jinoyat ishi qo‘zg‘atilgan.

Hozirda tergov harakatlari davom ettirilmoqda.

O‘zbekiston Respublikasi IIV huzuridagi Tergov departamenti

 

Belgilangan matnni tinglash uchun quyidagi tugmani bosing Powered by GSpeech