Ўзбекистон Республикаси Ички ишлар вазирлиги ҳузуридаги Тергов департаменти
Следственный Департамент при Министерстве Внутренних дел Республики Узбекистан

Uyini insu-jinsdan tozalash maqsadida bod budi berib yuborgan jabrlanuvchi

Toshkent shahri. 2020 yilning 29 oktyabr kuni soat 14:30 larda lo‘li millatiga mansub bo‘lgan ayol, o‘zganing mol-mulkini aldash va ishonchini suiisteʼmol qilish yo‘li bilan qo‘lga kiritish maqsadida Yakkasaroy tumani Toshbuloq ko‘chasida joylashgan xonadonlarning biriga kirib, ushbu xonadonda yashovchi Nasiba A., ni aldab uyiga duo o‘qilganligi aytib, qo‘llarida bo‘lgan ikki dona ayol va erkak qo‘g‘irchoqlarini hamda o‘zi bilan olib kelgan arab tili yozuvlik qog‘ozlarni xonadon hovlisiga tashlab qo‘yib, xonadon egasi bo‘lmish Nasiba A.,ga uyini “tozalab” berishni aytib, aldov yo‘li bilan unga tegishli bo‘lgan 12.500.000 so‘mlik  tilla-taqinchoqlarini qo‘lga kiritib, hodisa joyidan yashiringanlar.

Mazkur holat yuzasidan nomaʼlum shaxsga nisbatan Yakkasaroy tumani IIO FMB huzuridagi Tergov bo‘linmasi tomonidan O‘zbekiston Respublikasi Jinoyat kodeksining ko‘rsatilgan firibgarlik bilan jinoyat ishi qo‘zg‘atilgan.

Olib borilgan tergov-tezkor harakatlari davomida mazkur jinoyatni 58 yoshli Gulchexra M., sodir etganligi aniqlanib, ushbu fuqaroga nisbatan ayblov eʼlon qilingan va tegishli sudlovda ko‘rib chiqish uchun tuman prokuraturasiga yuborilgan.

Hurmatli fuqarolar o‘zlaringizni qimmatbaho buyum va pullaringizni notanish va halol inson sifatida Sizga tanish bo‘lmagan insonlarning qo‘llariga o‘zingizni xohishingiz bilan berib qo‘ymang. Firibgarlarni to‘riga tushmaslik o‘zingizni qo‘lingizda.

 

O‘zbekiston Respublikasi IIV huzuridagi Tergov departamenti

Belgilangan matnni tinglash uchun quyidagi tugmani bosing Powered by GSpeech