Язык:
☰ Menyu

O'zbekiston Respublikasi
Ichki ishlar vazirligi huzuridagi
Tergov departamenti

Har doim
aloqada 1102

IIV huzuridagi Tergov departamentining quyi tizimlarida xizmat qilayotgan surishtiruvchi va tergovchilar oʼrtasida oʼtkazilgan “Namunali tergovchi”, “Namunali surishtiruvchi” va “Namunali tergov jamoasi” nominatsiyalari boʼyicha koʼrik-tanlovning respublika bosqichi gʼoliblari aniqlandi!

Oʼzbekiston Respublikasi Ichki ishlar vazirining 2019 yil 25 sentyabr kunidagi 180-sonli Farmoyishiga asosan, Tergov departamenti va uning quyi boʼlinmalari xodimlari oʼrtasida “Namunali tergovchi”, “Namunali surishtiruvchi” va “Namunali tergov jamoasi” nominatsiyalari boʼyicha koʼrik-tanlov oʼtkazilishi belginlangan.

Ushbu koʼrik tanlov Ichki ishlar organlari tergov boʼlinmalari shaxsiy tarkibining kasbiy tayyorgarligini takomillashtirish, ularning bilim saviyasini oshirish, xizmat, jangovar va jismoniy tayyorgarliklarini kuchaytirish, amaliy koʼnikmalarni egallaganliklarini aniqlash hamda malakali kadrlar zahirasini yaratish maqsadida tashkil qilingan.

Bir oy davomida koʼrik tanlovning viloyat bosqichida birinchi va ikkinchi oʼrinlarni egallagan xodimlar oʼrtasida Ichki ishlar vazirligi miqyosida koʼrik tanlovning Respublika bosqichi oʼtkazildi.

Ushbu bosqichda ishtirokchilar jami 5 ta shart boʼyicha bahslashdilar:

- jismoniy tayyorgarlik boʼyicha (turnikda tortilish, 100 metr masofaga yugurish, 3000 metr masofaga yugurish, qoʼl jangi usullarini qoʼllash);
- oʼq otish boʼyicha;
- test sinovlari;
- ishtirokchilarning nazariy bilimlarini suhbat oʼtkazish yoʼli bilan baholash (Oʼzbekiston Respublikasi Jinoyat va Jinoyat-protsessual kodekslarini amaliyotda qoʼllash, Oliy sud Plenumining qarorlari, boshqa meʼyoriy hujjatlar, ichki ishlar organlari faoliyatiga aloqador xalqaro huquqiy normalar, dastlabki tergov jarayonida inson huquqlarini taʼminlash, ish faoliyatida qonunchilikni mustahkamlashga qaratilgan tadbirlar boʼyicha bilim saviyasi 40 ballgacha);
- namunaviy tergov maketlarini tayyorlash.

“Namunali surishtiruvchi” nominatsiyasi boʼyicha birinchi oʼrinni egallagan Namangan viloyat Yangiqoʼrgʼon tuman IIB huzuridagi Tergov boʼlimi surishtiruvchisi leytenant Erkinjonov Doston Rustamjon oʼgʼli “Esdalik qoʼl soati”, Ichki ishlar vazirligining birinchi darajali diplomi va mehnatga haq toʼlashning eng kam miqdorining 5 (besh) barobari yaʼni 3.174.400 soʼm miqdoridagi pul mukofoti bilan;

“Namunali surishtiruvchi” nominatsiyasi boʼyicha ikkinchi oʼrinni egallagan Qashqadaryo viloyati Qarshi shahar IIO FMB huzuridagi TB surishtiruvchisi leynenat Qalqanov Sherzod Haqberdi oʼgʼliga Ichki ishlar vazirligining ikkinchi darajali diplomi va mehnatga haq toʼlashning eng kam miqdorining 4 (toʼrt) barobari yaʼni 2.539.520 soʼm miqdoridagi pul mukofoti bilan;

“Namunali surishtiruvchi” nominatsiyasi boʼyicha uchinchi oʼrinni egallagan Samarqand viloyat Nurobod tuman IIB huzuridagi TB surishtiruvchisi katta leytenant Shodmonov Shaxzod Shodiyor oʼgʼliga Ichki ishlar vazirligining uchinchi darajali diplomi va mehnatga haq toʼlashning eng kam miqdorining 3 (uch) barobari yaʼni 1.904.640 soʼm miqdoridagi pul mukofoti bilan;

“Namunali tergovchi” nominatsiyasi boʼyicha birinchi oʼrinni egallagan Toshkent viloyat IIBB huzuridagi Tergov boshqarmasi katta tergovchisi katta leytenant Аxmadaliev Elyor Аlisher oʼgʼli “Esdalik qoʼl soati”, Ichki ishlar vazirligining birinchi darajali diplomi va mehnatga haq toʼlashning eng kam miqdorining 5 (besh) barobari yaʼni 3.174.400 soʼm miqdoridagi pul mukofoti bilan;

“Namunali tergovchi” nominatsiyasi boʼyicha ikkinchi oʼrinni egallagan Fargʼona viloyat Uchkoʼprik tuman IIB huzuridagi TB katta tergovchisi kapitan Аbdullaev Iqbol Аbdumannapovichga Ichki ishlar vazirligining ikkinchi darajali diplomi va mehnatga haq toʼlashning eng kam miqdorining 4 (toʼrt) barobari yaʼni 2.539.520 soʼm miqdoridagi pul mukofoti bilan;

“Namunali tergovchi” nominatsiyasi boʼyicha uchinchi oʼrinni egallagan Surxandaryo viloyati Termiz shahar IIO FMB huzuridagi TB tergovchisi leytenant Qurbonov Javohir Odil oʼgʼliga Ichki ishlar vazirligining uchinchi darajali diplomi va mehnatga haq toʼlashning eng kam miqdorining 3 (uch) barobari yaʼni 1.904.640 soʼm miqdoridagi pul mukofoti bilan;

Birinchi oʼrinni egallagan Toshkent viloyat IIBB huzuridagi Tergov boshqarmasi jamoasi “Damas” rusumli avtomashina, Ichki ishlar vazirligining birinchi darajali diplomi hamda har bir aʼzosi “Elektron kitob” bilan;

Ikkinchi oʼrinni egallagan Namangan viloyat IIB huzuridagi Tergov boshqarmasi jamoasi “A4tech” kompyuteri hamda Ichki ishlar vazirligining ikkinchi darajali diplomi bilan;

Uchinchi oʼrinni egallagan Fargʼona viloyat IIB huzuridagi Tergov boshqarmasi jamoasi “Raqamli videokamera” hamda Ichki ishlar vazirligining uchinchi darajali diplomi bilan taqdirlandilar.

 

Oʼzbekiston Respublikasi IIV huzuridagi Tergov departamenti

----------------------------------------------------------------------------------

ИИВ ҳузуридаги Тергов департаментининг қуйи тизимларида хизмат қилаётган суриштирувчи ва терговчилар ўртасида ўтказилган “Намунали терговчи”, “Намунали суриштирувчи” ва “Намунали тергов жамоаси” номинациялари бўйича кўрик-танловнинг республика босқичи ғолиблари аниқланди!

 

Ўзбекистон Республикаси Ички ишлар вазирининг 2019 йил 25 сентябрь кунидаги 180-сонли Фармойишига асосан, Тергов департаменти ва унинг қуйи бўлинмалари ходимлари ўртасида “Намунали терговчи”, “Намунали суриштирувчи” ва “Намунали тергов жамоаси” номинациялари бўйича кўрик-танлов ўтказилиши белгинланган.

Ушбу кўрик танлов Ички ишлар органлари тергов бўлинмалари шахсий таркибининг касбий тайёргарлигини такомиллаштириш, уларнинг билим савиясини ошириш, хизмат, жанговар ва жисмоний тайёргарликларини кучайтириш, амалий кўникмаларни эгаллаганликларини аниқлаш ҳамда малакали кадрлар заҳирасини яратиш мақсадида ташкил қилинган.

Бир ой давомида кўрик танловнинг вилоят босқичида биринчи ва иккинчи ўринларни эгаллаган ходимлар ўртасида Ички ишлар вазирлиги миқёсида кўрик танловнинг Республика босқичи ўтказилди.

 Ушбу босқичда иштирокчилар жами 5 та шарт бўйича баҳслашдилар: 

- жисмоний тайёргарлик бўйича (турникда тортилиш, 100 метр масофага югуриш, 3000 метр масофага югуриш, қўл жанги усулларини қўллаш);

- ўқ отиш бўйича;

- тест синовлари;

- иштирокчиларнинг назарий билимларини суҳбат ўтказиш йўли билан баҳолаш (Ўзбекистон Республикаси Жиноят ва Жиноят-процессуал кодексларини амалиётда қўллаш, Олий суд Пленумининг қарорлари, бошқа меъёрий ҳужжатлар, ички ишлар органлари фаолиятига алоқадор халқаро ҳуқуқий нормалар, дастлабки тергов жараёнида инсон ҳуқуқларини таъминлаш, иш фаолиятида қонунчиликни мустаҳкамлашга қаратилган тадбирлар бўйича билим савияси 40 баллгача);

- намунавий тергов макетларини тайёрлаш.   

“Намунали суриштирувчи” номинацияси бўйича биринчи ўринни эгаллаган Наманган вилоят Янгиқўрғон туман ИИБ ҳузуридаги Тергов бўлими суриштирувчиси лейтенант Эркинжонов Достон Рустамжон ўғли “Эсдалик қўл соати”, Ички ишлар вазирлигининг биринчи даражали дипломи ва меҳнатга ҳақ тўлашнинг энг кам миқдорининг 5 (беш) баробари яъни 3.174.400 сўм миқдоридаги пул мукофоти билан; 

“Намунали суриштирувчи” номинацияси бўйича иккинчи ўринни эгаллаган Қашқадарё вилояти Қарши шаҳар ИИО ФМБ ҳузуридаги ТБ суриштирувчиси лейненат Қалқанов Шерзод Ҳақберди ўғлига Ички ишлар вазирлигининг иккинчи даражали дипломи ва меҳнатга ҳақ тўлашнинг энг кам миқдорининг 4 (тўрт) баробари яъни 2.539.520 сўм миқдоридаги пул мукофоти билан;

“Намунали суриштирувчи” номинацияси бўйича учинчи ўринни эгаллаган Самарқанд вилоят Нуробод туман ИИБ ҳузуридаги ТБ суриштирувчиси катта лейтенант Шодмонов Шахзод Шодиёр ўғлига Ички ишлар вазирлигининг учинчи даражали дипломи ва меҳнатга ҳақ тўлашнинг энг кам миқдорининг 3 (уч) баробари яъни 1.904.640 сўм миқдоридаги пул мукофоти билан; 

“Намунали терговчи” номинацияси бўйича биринчи ўринни эгаллаган Тошкент вилоят ИИББ ҳузуридаги Тергов бошқармаси катта терговчиси катта лейтенант Ахмадалиев Элёр Алишер ўғли “Эсдалик қўл соати”, Ички ишлар вазирлигининг биринчи даражали дипломи ва меҳнатга ҳақ тўлашнинг энг кам миқдорининг 5 (беш) баробари яъни 3.174.400 сўм миқдоридаги пул мукофоти билан; 

“Намунали терговчи” номинацияси бўйича иккинчи ўринни эгаллаган Фарғона вилоят Учкўприк туман ИИБ ҳузуридаги ТБ катта терговчиси капитан Абдуллаев Иқбол Абдуманнаповичга Ички ишлар вазирлигининг иккинчи даражали дипломи ва меҳнатга ҳақ тўлашнинг энг кам миқдорининг 4 (тўрт) баробари яъни 2.539.520 сўм миқдоридаги пул мукофоти билан; 

“Намунали терговчи” номинацияси бўйича учинчи ўринни эгаллаган Сурхандарё вилояти Термиз шаҳар ИИО ФМБ ҳузуридаги ТБ терговчиси лейтенант Қурбонов Жавоҳир Одил ўғлига Ички ишлар вазирлигининг учинчи даражали дипломи ва меҳнатга ҳақ тўлашнинг энг кам миқдорининг 3 (уч) баробари яъни 1.904.640 сўм миқдоридаги пул мукофоти билан; 

Биринчи ўринни эгаллаган Тошкент вилоят ИИББ ҳузуридаги Тергов бошқармаси жамоаси “Дамас” русумли автомашина, Ички ишлар вазирлигининг биринчи даражали дипломи ҳамда ҳар бир аъзоси “Электрон китоб” билан;

Иккинчи ўринни эгаллаган Наманган вилоят ИИБ ҳузуридаги Тергов бошқармаси жамоаси “A4tech” компютери ҳамда Ички ишлар вазирлигининг иккинчи даражали дипломи билан;

Учинчи ўринни эгаллаган Фарғона вилоят ИИБ ҳузуридаги Тергов бошқармаси жамоаси “Рақамли видеокамера” ҳамда Ички ишлар вазирлигининг учинчи даражали дипломи билан тақдирландилар.

 

 Ўзбекистон Республикаси ИИВ ҳузуридаги Тергов департаменти

Powered by GSpeech