Joriy yilning 5 avgust kuni Tergov departamenti boshlig‘ining birinchi o‘rinbosari polkovnik B.O.Jalolov tomonidan videokonfrensaloqa rejimi orqali navbatdagi shaxsiy qabul o‘tkazildi. Qabul jarayonida Xorazm, Farg‘ona, Andijon va Toshkent viloyatlarida istiqomat qiluvchi fuqarolarning qiynab kelayotgan tergovga oid masalalar tinglandi.

O‘tkazilgan qabulda jami 4 nafar fuqarolarning murojaatlari ko‘rib chiqildi.

Kelib tushgan murojaatlarninu 1 tasi yetkazilgan moddiy zararni undirib berish masalasi hamda 3 tasi tergov harakatlaridan norozilik masalasi bo‘lgan fuqarolarning murojaatlari eshitilib, ular sinchkovlik bilan muhokama qilindi.

Qabul qilingan murojaatlarning 3 tasi joyida ijobiy hal etilib, 1 tasi bo‘yicha qo‘shimcha tekshirish talab qilinganligi sababli murojaat ijroga qaratildi.

Eslatib o‘tamiz, ichki ishlar organlarining tergovga qadar tekshiruv, surishtiruv va dastlabki tergovdan norozi bo‘lgan fuqarolar vazir o‘rinbosari polkovnik Ya.A.Abdulxakovning shaxsiy qabuliga kirmoqchi bo‘lgan taqdirda, Tergov departamentining (71) 231-38-16 raqamli xizmat telefoni yoki masʼul xodim I.A. Toirovning (90)508-66-46 telefon raqamlariga murojaat qilishlari mumkin.

O‘zbekiston Respublikasi IIV huzuridagi Tergov departamenti