O'zbekiston Respublikasi Ichki ishlar vazirligi huzuridagi Tergov departamenti
Следственный Департамент при Министерстве Внутренних дел Республики Узбекистан

Katta miqdordagi "opiy" giyohvandlik vositasini sotayotgan ogʼufurush qoʼlga olindi, tergov harakatlari olib borilmoqda.

Аndijon. 2019 yil 12 dekabr kuni Oʼzbekiston Respublikasi IIV JQBB bilan Аndijon viloyati IIB JQB xodimlari hamkorligida oʼtkazilgan tezkor tadbirda, Qorasuv shahrida giyohvand vositalarini oʼtkazish jinoyati oldi olindi. Fuqaro 25 yoshli А.K. umumiy ogʼirligi 1 kg. 15 gr. “opiy” giyohvandlik vositasini 6.100 АQSh dollariga sotayotgan vaqtida ashyoviy dalillar bilan jinoyat ustida ushlangan.

Mazkur holat yuzasidan Аndijon viloyati IIB huzuridagi Tergov boshqarmasi tomonidan 2019 yil 12 dekabr kuni А.K.ga nisbatan Oʼzbekiston Respublikasi Jinoyat kodeksining 273-moddasi 5-qismi (koʼp miqdorda giyohvandlik vositalari, ularning analoglari yoki psixotrop moddalarni qonunga xilof ravishda oʼtkazish) bilan jinoyat ishi qoʼzgʼatilgan va tergov jarayonida А.K. gumon qilinuvchi tariqasida ishda ishtirok etishga jalb qilinib, protsessual tartibda ushlangan.

Hozirda ushbu jinoyat ishi boʼyicha dastlabki tergov harakatlari olib borilmoqda, giyohvandlik vositasini manbaini aniqlash choralari koʼrilmoqda.

Oʼzbekiston Respublikasi IIV huzuridagi Tergov departamenti

----------------------------------------

Катта миқдордаги "ОПИЙ" гиёҳвандлик воситасини сотаётган оғуфуруш қўлга олинди, тергов ҳаракатлари олиб борилмоқда.

Андижон. 2019 йил 12 декабрь куни Ўзбекистон Республикаси ИИВ ЖҚББ билан Андижон вилояти ИИБ ЖҚБ ходимлари ҳамкорлигида ўтказилган тезкор тадбирда, Қорасув шаҳрида гиёҳванд воситаларини ўтказиш жинояти олди олинди. Фуқаро 25 ёшли А.К. умумий оғирлиги 1 кг. 15 гр. “опий” гиёҳвандлик воситасини 6.100 АҚШ долларига сотаётган вақтида ашёвий далиллар билан жиноят устида ушланган.

Мазкур ҳолат юзасидан Андижон вилояти ИИБ ҳузуридаги Тергов бошқармаси томонидан 2019 йил 12 декабрь куни А.К.га нисбатан Ўзбекистон Республикаси Жиноят кодексининг 273-моддаси 5-қисми (кўп миқдорда гиёҳвандлик воситалари, уларнинг аналоглари ёки психотроп моддаларни қонунга хилоф равишда ўтказиш) билан жиноят иши қўзғатилган ва тергов жараёнида А.К. гумон қилинувчи тариқасида ишда иштирок этишга жалб қилиниб, процессуал тартибда ушланган.

Ҳозирда ушбу жиноят иши бўйича дастлабки тергов ҳаракатлари олиб борилмоқда, гиёҳвандлик воситасини манбаини аниқлаш чоралари кўрилмоқда.

Ўзбекистон Республикаси ИИВ ҳузуридаги Тергов департаменти

Belgilangan matnni tinglash uchun quyidagi tugmani bosing Powered by GSpeech