2019 yil 03 dekabr kuni taxminan soat  13:15 larda fuqaro 19 yoshli Sh.T. Toshkent viloyati Toshkent tumanida fuqaro 49 yoshli B.N. tomonidan qarovsiz qoldirilgan “TOYOTA PRADO” rusumli transport vositasini eshiklari qulflanmagan va oʼt oldirish joyida kaliti qoldirib ketilganligidan foydalanib, avtomashinani boshqarib olib qochib ketgan.

Olib borilgan tezkor-qidiruv tadbirlari natijasida Sh.T. tomonidan olib qochilgan “TOYOTA PRADO” rusumli transport vositasi ichki ishlar xodimlari tomonidan texnik soz holatda Toshkent shahar Mirzo Ulugʼbek tumani Doʼrmon chorrahasida ushlangan.

Mazkur holat yuzasidan Toshkent tumani IIB huzuridagi tergov boʼlimi tomonidan Oʼzbekiston Respublikasi Jinoyat kodeksining 267-moddasi 1-qismi (transport vositasini olib qochish) bilan jinoyat ishi qoʼzgʼatilib, Sh.T. gumon qilinuvchi tariqasida jalb qilingan va himoyachi ishtirokida soʼroq qilingan.

Hozirda mazkur jinoyat ishi boʼyicha dastlabki tergov harakatlari olib borilmoqda.

Hurmatli fuqarolar, avtomashinangizdan tushayotganingizda transport vositasini eshiklarini qulflashingizni va oʼt oldirish joyida kalitini qoldirmasligingizni soʼraymiz.

--------------------------------------------------------------

Oʼzbekiston Respublikasi IIV huzuridagi Tergov departamenti

2019 йил 03 декабрь куни тахминан соат 13:15 ларда фуқаро 19 ёшли Ш.Т. Тошкент вилояти Тошкент туманида фуқаро 49 ёшли Б.Н. томонидан қаровсиз қолдирилган “TOYOTA PRADO” русумли транспорт воситасини эшиклари қулфланмаган ва ўт олдириш жойида калити қолдириб кетилганлигидан фойдаланиб, автомашинани бошқариб олиб қочиб кетган.

Олиб борилган тезкор-қидирув тадбирлари натижасида Ш.Т. томонидан олиб қочилган “TOYOTA PRADO” русумли транспорт воситаси ички ишлар ходимлари томонидан техник соз ҳолатда Тошкент шаҳар Мирзо Улуғбек тумани Дўрмон чорраҳасида ушланган.

Мазкур ҳолат юзасидан Тошкент тумани ИИБ ҳузуридаги тергов бўлими томонидан Ўзбекистон Республикаси Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилиб, Ш.Т. гумон қилинувчи тариқасида жалб қилинган ва ҳимоячи иштирокида сўроқ қилинган.

Ҳозирда мазкур жиноят иши бўйича дастлабки тергов ҳаракатлари олиб борилмоқда.

Ҳурматли фуқаролар, автомашинангиздан тушаётганингизда транспорт воситасини эшикларини қулфлашингизни ва ўт олдириш жойида калитини қолдирмаслигингизни сўраймиз.

Ўзбекистон Республикаси ИИВ ҳузуридаги Тергов департаменти