Toshkent viloyat. 2019 yil 2 dekabr kuni taxminan soat 05:00 larda noma'lum shaxs boshqaruvidagi transport vositasida Ohangaron tumani hududidan o‘tuvchi “Toshkent-Olmaliq” avtomobil yo‘lining 6 km.da, piyoda 53 yoshli A.V.ni urib yuborib, jabrlanuvchiga birinchi tez tibbiy yordam ko‘rsatmasdan uni xavf ostida qoldirib hodisa joyidan yashiringan.

Oqibatda A.V. yo‘l-transport hodisasi sodir bo‘lgan joyida vafot etgan.

Hodisa sodir bo‘lgan joyni ko‘zdan kechirish jarayonida transport vositasining oldi bamper qismi va boshqa bo‘laklari olingan.

Mazkur holat yuzasidan Ohangaron tuman IIB huzuridagi Тergov bo‘limi tomonidan O‘zbekiston Respublikasi Jinoyat kodeksining 266-moddasi 2-qismi (odam o‘limiga olib kelgan, transport vositalari harakati yoki ulardan foydalanish xavfsizligi qoidalarini buzish) va 117-moddasi 2-qismi (xavf ostida qoldirish odam o‘lishiga sabab bo‘lsa) bilan jinoyat ishi qo‘zg‘atilgan. Olib borilayotgan dastlabki tergov harakatlari jarayonida, tegishli ekspertizalar tayinlangan, ushbu YTHni sodir etgan transport vositasi va uning haydovchisini aniqlash maqsadida tezkor qidiruv tadbirlari o‘tkazilmoqda.

Hurmatli fuqarolar, ushbu qilmish uchun jazo muqarrarligi va adolatni qaror toptirish maqsadida Sizdan befarq bo‘lmasligingizni ushbu holatni ko‘rgan voqea shohidlari yoki uning qatnashchilari haqida biron-bir ma'lumotga ega bo‘lsangiz hududiy IIBlarga (Tel:0-370-762-41-21; 0-370-762-41-22; 71-231-46-26) xabar berishingizni so‘raymiz. 

O‘zbekiston Respublikasi IIV huzuridagi Tergov departamenti

----------------------------------------------------------------------------------

Тошкент вилоят. 2019 йил 2 декабрь куни тахминан соат 05:00 ларда номаълум шахс бошқарувидаги транспорт воситасида Оҳангарон тумани ҳудудидан ўтувчи “Тошкент-Олмалиқ” автомобиль йўлининг 6 км.да, пиёда 53 ёшли А.В.ни уриб юбориб, жабрланувчига биринчи тез тиббий ёрдам кўрсатмасдан уни хавф остида қолдириб ҳодиса жойидан яширинган.

Оқибатда А.В. йўл-транспорт ҳодисаси содир бўлган жойида вафот этган.

Ҳодиса содир бўлган жойни кўздан кечириш жараёнида транспорт воситасининг олди бампер қисми ва бошқа бўлаклари олинган.

Мазкур ҳолат юзасидан Оҳангарон туман ИИБ ҳузуридаги тергов бўлими томонидан Ўзбекистон Республикаси Жиноят кодексининг 266-моддаси 2-қисми (одам ўлимига олиб келган, транспорт воситалари ҳаракати ёки улардан фойдаланиш хавфсизлиги қоидаларини бузиш) ва 117-моддаси 2-қисми (хавф остида қолдириш одам ўлишига сабаб бўлса) билан жиноят иши қўзғатилган. Олиб борилаётган дастлабки тергов ҳаракатлари жараёнида, тегишли экспертизалар тайинланган, ушбу ЙТҲни содир этган транспорт воситаси ва унинг ҳайдовчисини аниқлаш мақсадида тезкор қидирув тадбирлари ўтказилмоқда.

Ҳурматли фуқаролар, ушбу қилмиш учун жазо муқаррарлиги ва адолатни қарор топтириш мақсадида Сиздан бефарқ бўлмаслигингизни ушбу ҳолатни кўрган воқеа шоҳидлари ёки унинг қатнашчилари ҳақида бирон-бир маълумотга эга бўлсангиз ҳудудий ИИБларга (Тел:0-370-762-41-21; 0-370-762-41-22; 71-231-46-26) хабар беришингизни сўраймиз.

Ўзбекистон Республикаси ИИВ ҳузуридаги Тергов департаменти