2019 yil 29 noyabr' kuni taxminan soat 17:10 larda Toshkent viloyati Olmaliq shahar IIB JQB xodimlari tomonidan o‘tkazilgan tezkor tadbir jarayonida, Olmaliq shahar prokurorining ruxsati olingan qaroriga ko‘ra, 29 yoshli Ya.S.ning yotoqxonasi ko‘zdan kechirilganda, kiyim-kechak javonidagi sariq rangli sumka ichidan, o‘tkir hidli, to‘liq qurimagan nam holdagi sarg‘ish rangli umumiy og‘irligi 3,8 kg. o‘simlik modda aniqlanib, prosessual tartibda holislar ishtirokida rasmiylashtirib olingan.

Sudga oid kimyoviy ekspertiza xulosasiga ko‘ra, Ya.S.dan olingan modda tarkibida faol giyohvand modda “marixuana” giyohvandlik vositasi ekanligi aniqlangan.

Mazkur holat yuzasidan 2019 yil 30 noyabr' kuni Olmaliq shahar IIB huzuridagi tergov bo‘limi tomonidan fuqaro Ya.S.ga nisbatan O‘zbekiston Respublikasi Jinoyat kodeksining 276-moddasi 2-qismi “a” bandi (ko‘p miqdordagi giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) bilan qo‘zg‘atilgan.

Hozirda dastlabki tergov harakatlari olib borilmoqda.

Jinoyat ishi bo‘yicha Ya.S. gumonlanuvchi tariqasida ishtirok etishga jalb qilinib, so‘roq qilingan.

O‘zbekiston Respublikasi IIV huzuridagi Tergov departamenti

----------------------------------------------------------

2019 йил 29 ноябрь куни тахминан соат 17:10 ларда Тошкент вилояти Олмалиқ шаҳар ИИБ ЖҚБ ходимлари томонидан ўтказилган тезкор тадбир жараёнида, Олмалиқ шаҳар прокурорининг рухсати олинган қарорига кўра, 29 ёшли Я.С.нинг ётоқхонаси кўздан кечирилганда, кийим-кечак жавонидаги сариқ рангли сумка ичидан, ўткир ҳидли, тўлиқ қуримаган нам ҳолдаги сарғиш рангли умумий оғирлиги 3,8 кг. ўсимлик модда аниқланиб, процессуал тартибда ҳолислар иштирокида расмийлаштириб олинган.

Судга оид кимёвий экспертиза хулосасига кўра, Я.С.дан олинган модда таркибида фаол гиёҳванд модда “марихуана” гиёҳвандлик воситаси эканлиги аниқланган.

Мазкур ҳолат юзасидан 2019 йил 30 ноябрь куни Олмалиқ шаҳар ИИБ ҳузуридаги тергов бўлими томонидан фуқаро Я.С.га нисбатан Ўзбекистон Республикаси Жиноят кодексининг 276-моддаси 2-қисми “а” банди (кўп миқдордаги гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан қўзғатилган.

Ҳозирда дастлабки тергов ҳаракатлари олиб борилмоқда.

Жиноят иши бўйича Я.С. гумонланувчи тариқасида иштирок этишга жалб қилиниб, сўроқ қилинган.

Ўзбекистон Республикаси ИИВ ҳузуридаги Тергов департаменти