Fargʼona viloyat prokuraturasi, Fargʼona tuman IIB huzuridagi tergov boʼlimi tomonidan oʼzganing mol-mulkini yashirin ravishda talon-toroj qilishda Oʼzbekiston Respublikasi Jinoyat kodeksining 169-moddasi 3-qismi “a” bandi bilan ayblanuvchi 37 yoshli G.X.ga nisbatan ayblovni qoʼllab quvvatladi.

Tergov tomonidan 2019 yil 09 oktyabr kuni 37 yoshli G.X. spirtli ichimlik taʼsirida 57 yoshli M.А.ning uyiga hech kim yoʼq degan taxmin bilan devor orqali oshib tushib, gʼayriqonuniy ravishda yotoqxonaga kirgan holda 728.000 soʼmlik qimmatbaho buyumlar va bank plastik kartochkasini yashirin ravishda qoʼlga kiritib, hodisa joyidan yashirinmoqchi boʼlgan vaqtida, xonadon egalari tomonidan ushlangan va darhol IIB ga xabar berilgan.

Ushbu holat yuzasidan Fargʼona tuman IIB huzuridagi tergov boʼlimi tomonidan G.X.ga nisbatan JKning 169-moddasi 2-qismi “g” bandi bilan jinoyat ishi qoʼzatilgan.

Jinoyat ishi boʼyicha dastlabki tergov jarayonida G.X.ga nisbatan JKning 169-moddasi 3-qismi “a” bandi bilan ayblov eʼlon qilinib, unga nisbatan “qamoqqa olish” tarzidagi ehtiyot chorasi qoʼllanilgan.

2019 yil 17 oktyabr kuni jinoyat ishi boʼyicha dastlabki tergov tamomlanib, ayblov xulosasi bilan tegishli sudlovga yuborish masalasini hal qilish tuman prokuraturasiga yuborilgan.

Jinoyat ishlari boʼyicha Fargʼona tuman sudining 2019 yil 21 noyabr kunidagi hukmiga koʼra, G.X.ni Oʼzbekiston Respublikasi JKning 169-moddasi 3-qismi “a” bandi bilan aybdor deb topib, 5 yil 2 oy muddatga ozodlikdan mahrum etish jazosi tayinlangan.

Oʼzbekiston Respublikasi IIV huzuridagi Tergov departamenti

Фарғона вилоят прокуратураси, Фарғона туман ИИБ ҳузуридаги тергов бўлими томонидан ўзганинг мол-мулкини яширин равишда талон-торож қилишда Ўзбекистон Республикаси Жиноят кодексининг 169-моддаси 3-қисми “а” банди билан айбланувчи 37 ёшли Г.Х.га нисбатан айбловни қўллаб қувватлади.

Тергов томонидан 2019 йил 09 октябрь куни 37 ёшли Г.Х. спиртли ичимлик таъсирида 57 ёшли М.А.нинг уйига ҳеч ким йўқ деган тахмин билан девор орқали ошиб тушиб, ғайриқонуний равишда ётоқхонага кирган ҳолда 728.000 сўмлик қимматбаҳо буюмлар ва банк пластик карточкасини яширин равишда қўлга киритиб, ҳодиса жойидан яширинмоқчи бўлган вақтида, хонадон эгалари томонидан ушланган ва дарҳол ИИБ га хабар берилган.

Ушбу ҳолат юзасидан Фарғона туман ИИБ ҳузуридаги тергов бўлими томонидан Г.Х.га нисбатан ЖКнинг 169-моддаси 2-қисми “г” банди билан жиноят иши қўзатилган.

Жиноят иши бўйича дастлабки тергов жараёнида Г.Х.га нисбатан ЖКнинг 169-моддаси 3-қисми “а” банди билан айблов эълон қилиниб, унга нисбатан “қамоққа олиш” тарзидаги эҳтиёт чораси қўлланилган.
2019 йил 17 октябрь куни жиноят иши бўйича дастлабки тергов тамомланиб, айблов хулосаси билан тегишли судловга юбориш масаласини ҳал қилиш туман прокуратурасига юборилган.

Жиноят ишлари бўйича Фарғона туман судининг 2019 йил 21 ноябрь кунидаги ҳукмига кўра, Г.Х.ни Ўзбекистон Республикаси ЖКнинг 169-моддаси 3-қисми “а” банди билан айбдор деб топиб, 5 йил 2 ой муддатга озодликдан маҳрум этиш жазоси тайинланган.

Ўзбекистон Республикаси ИИВ ҳузуридаги Тергов департаменти