Toshkent. 2019 yil 21 noyabr kuni taxminan soat 01:10 larda, 26 yoshli N.M., 25 yoshli I.X. va 23 yoshli N.I.lar oʼzaro jinoiy til biriktirib, bir guruhga birlashib, yuzlarini tibbiyot niqobi bilan berkitgan holda, Chilonzor tumani 18 mavzedagi MChJga qarashli dorixonaga kirib, sotuvchi 28 yoshli X.M.ning yuziga urib, sumka ichidagi 16.500.000 soʼm va kassadagi 1.500.000 soʼm pullarni qoʼlga kiritib, hodisa joyidan yashiringanlar.

Olib borilgan tezkor-qidiruv tadbirlari natijasida I.X. jinoiy sheriklari bilan birga ushlangan.

Mazkur holat yuzasidan Chilonzor tuman boʼyicha IIO FMB huzuridagi tergov boʼlimi tomonidan Oʼzbekiston Respublikasi Jinoyat kodeksining 166-moddasi 2-qismi “v” bandi (talonchilik) bilan jinoyat ishi qoʼzgʼatilgan.

Dastlabki tergov jarayonida I.X., N.M. va N.I. larga nisbatan JKning 164-moddasi 3-qismi “v” bandi (bosqinchilik) bilan ayblov eʼlon qilinib, “qamoqqa olish” tarzidagi ehtiyot chorasi qoʼllanilgan.

Hozirda ushbu jinoyat ishi boʼyicha dastlabki tergov harakatlari olib borilmoqda.

Oʼzbekiston Respublikasi IIV huzuridagi Tergov departamenti

-------------------------------------------------------------------

Тошкент. 2019 йил 21 ноябрь куни тахминан соат 01:10 ларда, 26 ёшли Н.М., 25 ёшли И.Х. ва 23 ёшли Н.И.лар ўзаро жиноий тил бириктириб, бир гуруҳга бирлашиб, юзларини тиббиёт ниқоби билан беркитган ҳолда, Чилонзор тумани 18 мавзедаги МЧЖга қарашли дорихонага кириб, сотувчи 28 ёшли Х.М.нинг юзига уриб, сумка ичидаги 16.500.000 сўм ва кассадаги 1.500.000 сўм пулларни қўлга киритиб, ҳодиса жойидан яширинганлар.

Олиб борилган тезкор-қидирув тадбирлари натижасида И.Х. жиноий шериклари билан бирга ушланган.

Мазкур ҳолат юзасидан Чилонзор туман бўйича ИИО ФМБ ҳузуридаги тергов бўлими томонидан Ўзбекистон Республикаси Жиноят кодексининг 166-моддаси 2-қисми “в” банди (талончилик) билан жиноят иши қўзғатилган.

Дастлабки тергов жараёнида И.Х., Н.М. ва Н.И. ларга нисбатан ЖКнинг 164-моддаси 3-қисми “в” банди (босқинчилик) билан айблов эълон қилиниб, “қамоққа олиш” тарзидаги эҳтиёт чораси қўлланилган.

Ҳозирда ушбу жиноят иши бўйича дастлабки тергов ҳаракатлари олиб борилмоқда.

Ўзбекистон Республикаси ИИВ ҳузуридаги Тергов департаменти