2021 yil 12 fevral kuni, O‘zbekiston Respublikasi Prezidentining Qoraqalpog‘iston Respublikasi Xalq qabulxonasi hamda Qoraqalpog‘iston Respublikasi Huquqni muhofaza qiluvchi organlari rahbarlari tomonidan 20.01.2021 yilda tasdiqlangan “Xalq qabulxonalarida Qoraqalpog‘iston Respublikasi sudi, respublika prokuraturasi va ichki ishlar vazirligi rahbariyati ishtirokida jismoniy va yuridik shaxslar bilan onlayn qabullar o‘tkazish” jadvaliga asosan, To‘rtko‘l tumani Xalq qabulxonasi binosidan  To‘rtko‘l aholisi bilan onlayn qabul o‘tkazildi.

Onlayn qabulga, O‘zbekiston Respublikasi Prezidentining Qoraqalpog‘iston Respublikasi Xalq qabulxonasi, Qoraqalpog‘iston Respublikasi sudi, Qoraqalpog‘iston Respublikasi prokuraturasi va Ichki ishlar vazirligi rahbariyati qatnashdi.

Onlayn qabul davomida, Ichki ishlar vazirining o‘rinbosari polkovnik M.T.Raxmatullayev tomonidan bir nechta fuqarolarning murojaatlari qabul qilindi.

Jumladan, “pullarini firibgarlik yo‘li bilan olgan tanishiga nisbatan qonuniy chora ko‘rilishi va undan pullarini qaytarib olib berilishini hamda yo‘l harakati qoidalarini buzganlik uchun belgilangan jarima jazosidan ozod qilish yoki jarima miqdorini kamaytirib berilishi”da amaliy yordam berish kabi masalalar ko‘rib chiqildi.

Vazir o‘rinbosari M.T.Raxmatullayev tomonidan murojaatlar yuzasidan huquqiy tushuntirishlar berildi hamda arizalar qabul qilinib, ijrosi nazoratga olindi.

O‘zbekiston Respublikasi IIV huzuridagi tergov departamenti