Аndijon viloyati IIB Migratsiya va fuqarolikni rasmiylashtirish borqarmasi tashabbusi bilan Аsaka shahridagi “UzAvtoMotors” YoАJga qarashli boshqaruv va ishlab chiqarish inshoatlarida qoʼriqlash xizmatini amalga oshiruvchi Oʼzbekiston Respublikasi Milliy gvardiyasi Аndijon viloyati Qoʼriqlash boshqarmasining 100 nafar xodimlariga “Oʼzbekiston Respublikasi fuqarolarining xorijga chiqish tartibi” mavzusida huquqiy targʼibot oʼtkazildi.

Yigʼilish “UzAvtoMotors” YoАJning majlislar zalida oʼtkazilib unda Аndijon viloyati IIB Migratsiya va fuqarolikni rasmiylashtirish borqarmasi boshligʼining oʼrinbosari podpolkovnik Dj.Ismoilov maʼruza qildi va ishtirokchilarga Oʼzbekiston Respublikasi Prezidentining 2018 yil 26 dekabrdagi “Oʼzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʼzbekiston Respublikasi biometrik pasport tizimini modernizatsiya qilishga doir qoʼshimcha chora-tadbirlar toʼgʼrisida”gi PQ-4079-son Qarorining mazmun-mohiyatini yetkazdi.

Qatnashchilar oʼzlarini qiziqtirgan migratsiya va fuqarolikni rasmiylashtirish bilan bogʼliq savollarga mutaxasislardan javoblar olishdi.

Oʼzbekiston Respublikasi IIV huzuridagi tergov departamenti.

----------

Андижонда фуқароларининг хорижга чиқиш тартиби бўйича ҳуқуқий тарғибот ўтказилди.

Андижон вилояти ИИБ Миграция ва фуқароликни расмийлаштириш борқармаси ташаббуси билан Асака шаҳридаги “UzAvtoMotors” ЁАЖга қарашли бошқарув ва ишлаб чиқариш иншоатларида қўриқлаш хизматини амалга оширувчи Ўзбекистон Республикаси Миллий гвардияси Андижон вилояти Қўриқлаш бошқармасининг 100 нафар ходимларига “Ўзбекистон Республикаси фуқароларининг хорижга чиқиш тартиби” мавзусида ҳуқуқий тарғибот ўтказилди.

Йиғилиш “UzAvtoMotors” ЁАЖнинг мажлислар залида ўтказилиб унда Андижон вилояти ИИБ Миграция ва фуқароликни расмийлаштириш борқармаси бошлиғининг ўринбосари подполковник Дж.Исмоилов маъруза қилди ва иштирокчиларга Ўзбекистон Республикаси Президентининг 2018 йил 26 декабрдаги “Ўзбекистон Республикаси фуқаросининг хорижга чиқиш биометрик паспортини расмийлаштириш ва бериш тизимини яратиш ҳамда Ўзбекистон Республикаси биометрик паспорт тизимини модернизация қилишга доир қўшимча чора-тадбирлар тўғрисида”ги ПҚ-4079-сон Қарорининг мазмун-моҳиятини етказди.

Қатнашчилар ўзларини қизиқтирган миграция ва фуқароликни расмийлаштириш билан боғлиқ саволларга мутахасислардан жавоблар олишди.

Ўзбекистон Республикаси ИИВ ҳузуридаги тергов департаменти