Andijon. 2019 yil 11 iyul kuni taxminan soat 21:00 larda Ulug‘nor tumanida yashovchi Muqaddas I., o‘zining uyida spirtli ichimlik ta'sirida mast holatda o‘zaro kelib chiqqan janjal oqibatida J.K. uni haqorat qilib, bo‘ynidan ushlab olgan vaqtida, qo‘lidagi oshxona pichog‘i bilan J.K.ga nisbatan qasddan tan jarohati yetkazgan.

Sud tibbiy ekspertizasining xulosasiga ko‘ra, J.K.ning o‘limiga o‘tkir tig‘li jism yordamida tanasiga yetkazilgan og‘ir tan jarohati sabab bo‘lganligi ko‘rsatilgan.

Mazkur holat yuzasidan Ulug‘nor tumani IIB huzuridagi Tergov bo‘limi tomonidan O‘zbekiston Respublikasi JKning 104-moddasi 3-qismi “d” bandi (qasddan badanga og‘ir shikast yetkazish) bilan jinoyat ishi qo‘zg‘atilgan.

Jinoyat ishi bo‘yicha dastlabki tergov jarayonida, 2019 yil 13 iyul kuni Muqaddas I.ga nisbatan ayblov e'lon qilingan va “uy qamog‘i” tarzidagi ehtiyot chorasi qo‘llanilgan. Shundan so‘ng jinoyat ishi ayblov xulosasi bilan sudlov muhokamasiga yuborilgan.

2019 yil 20 noyabr kuni jinoyat ishlari bo‘yicha Ulug‘nor tuman sudi dastlabki tergov tomonidan to‘plangan jinoyat ishi hujjatlarini o‘rganib chiqib, Muqaddas I. ni aybdor deb topib, unga nisbatan 6 yil muddatga ozodlikdan mahrum qilish jazosi tayinlagan.

-----------------------------------------------------

Суд одам ўлимига сабаб бўлган қасддан баданга оғир шикаст етказиш жинояти учун ҳукм ўқиди.

Андижон. 2019 йил 11 июль куни тахминан соат 21:00 ларда Улуғнор туманида яшовчи Муқаддас И., ўзининг уйида спиртли ичимлик таъсирида маст ҳолатда ўзаро келиб чиққан жанжал оқибатида Ж.К. уни ҳақорат қилиб, бўйнидан ушлаб олган вақтида, қўлидаги ошхона пичоғи билан Ж.К.га нисбатан қасддан тан жароҳати етказган.

Суд тиббий экспертизасининг хулосасига кўра, Ж.К.нинг ўлимига ўткир тиғли жисм ёрдамида танасига етказилган оғир тан жароҳати сабаб бўлганлиги кўрсатилган.

Мазкур ҳолат юзасидан Улуғнор тумани ИИБ ҳузуридаги Тергов бўлими томонидан Ўзбекистон Республикаси ЖКнинг 104-моддаси 3-қисми “д” банди (қасддан баданга оғир шикаст етказиш) билан жиноят иши қўзғатилган. 

Жиноят иши бўйича дастлабки тергов жараёнида, 2019 йил 13 июль куни Муқаддас И.га нисбатан айблов эълон қилинган ва “уй қамоғи” тарзидаги эҳтиёт чораси қўлланилган. Шундан сўнг жиноят иши айблов хулосаси билан судлов муҳокамасига юборилган.

2019 йил 20 ноябрь куни жиноят ишлари бўйича Улуғнор туман суди дастлабки тергов томонидан тўпланган жиноят иши ҳужжатларини ўрганиб чиқиб, Муқаддас И. ни айбдор деб топиб, унга нисбатан 6 йил муддатга озодликдан маҳрум қилиш жазоси тайинлаган.

Ўзбекистон Республикаси ИИВ ҳузуридаги
Тергов департаменти