O'zbekiston Respublikasi Ichki ishlar vazirligi huzuridagi Tergov departamenti
Следственный Департамент при Министерстве Внутренних дел Республики Узбекистан

Chirchiq shahrida yashovchi fuqaroning uyida aniqlangan salkam 20 kilogramm giyohvand vosita bo‘yicha qo‘zg‘atilgan jinoyat ishi bo‘yicha dastlabki tergov tamomlandi

Toshkent viloyati. 2020 yilning 29 sentyabr kuni Chirchiq shahar IIB xodimlari tomonidan o‘tkazilgan “Qora-dori” maxsus tezkor tadbir davomida, Chirchiq shahar Madaniyat ko‘chasida xonadonlarning biri tekshirilganida, 39 yoshli fuqaro Xafiz A., xonadonning balkonida joylashgan stol tagida, 1 dona uch litr hajmli, 2 dona 1 litr hajmli, 1 dona 1,5 hajmli bankalarda, 1 dona 20 litr hajmli yelim chelakda, 1 dona 40 litr hajmli yelim chelakda, 1 dona yelimdan ishlangan kir yuvish tog‘orasida jami 19.973,88 gramm miqdorda quritilgan maydalangan holdagi hamda xonadoni mehmonxonasida polietilen paket ichida yog‘da qovurilgan 63,06  gramm giyohvandlik vositasini saqlab kelayotganligi aniqlanib, ashyoviy dalil tariqasida rasmiylashtirib olingan.

Sud-kimyoviy ekspertizada fuqaro Xafiz A., xonadonidan olingan idishlar ichidagi moddalar tarkibida faol giyohvandlik modda “tetragidrokannabinol” mavjud bo‘lib, bu modda “MARIXUANA” deb atalishi, uning sof og‘irligi 19.973,88 grammni tashkil etishi aniqlangan.

Mazkur holat yuzasidan 01.10.2020 yilda Xafiz A.,ga nisbatan Chirchiq shahar IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 25.273-moddasi 5-qismi bilan jinoyat ishi qo‘zg‘atilgan.

Dastlabki tergov jarayonida, Xafiz A., o‘zining aybiga to‘liq iqror bo‘lgan va  unga nisbatan ayblov eʼlon qilinib, “qamoqqa olish” tarzidagi ehtiyot chorasi qo‘llanilgan.

Tergov harakatlari yakuniga ko‘ra, jinoyat ishi ayblov xulosasi bilan 22.10.2020 yilda Jinoyat ishlari bo‘yicha Chirchiq shahar sudiga yuborilgan.

Taʼkidlab o‘tish joizki, bu turdagi jinoyatlar uchun Jinoyat kodeksi normalariga ko‘ra, 10 yildan 20 yilgacha ozodlikdan mahrum qilish jazosi tayinlangan.

 

O‘zbekiston Respublikasi IIV huzuridagi Tergov departamenti

Belgilangan matnni tinglash uchun quyidagi tugmani bosing Powered by GSpeech