Ўзбекистон Республикаси Ички ишлар вазирлиги ҳузуридаги Тергов департаменти
Следственный Департамент при Министерстве Внутренних дел Республики Узбекистан

Soxta dollarlar muomalasining oldi olindi

Farg‘ona viloyati. Qo‘qon shahri bo‘yicha IIO FMB huzuridagi Tergov bo‘limi tomonidan 24.850 AQSH dollarni sotayotgan fuqarolarga nisbatan O‘zbekiston Respublikasi Jinoyat kodeksining 176-moddasi 3-qismi “a” bandi (Qalbaki pullar yasash, ularni o‘tkazish) bilan jinoyat ishi qo‘zg‘atildi.

Tergovga qadar tekshiruv harakatlari davomida, 2021 yil 31 mart kuni viloyat IIB JQB va DXX xodimlari hamkorligida o‘tkazilgan tezkor-tadbirda, 42 yoshli Kozim A., 36 yoshli Shavkatbek A., va 48 yoshli Abduvoxid F.,lar 24 850 AQSH dollar qiymatiga teng soxta pullarni shartli ravishda mijoz sifatida jalb qilingan fuqaroga Qo‘qon shahrida joylashgan “Zamin” choyxonasida  10 000 AQSH dollarga sotayotgan vaqtlarida ashyoviy dalillar bilan ushlanganlar.

Olib borilgan tergov harakatlari davomida, ushbu fuqarolar 24 850 AQSH dollar qiymatiga teng soxta pullarni poligrafik usulda nusxa ko‘chirib ko‘paytiruvchi rangli printer yordamida tayyorlaganliklari aniqlandi.

Hozirda tergov davom etmoqda.

 

O‘zbekiston Respublikasi IIV huzuridagi Tergov departamenti

Belgilangan matnni tinglash uchun quyidagi tugmani bosing Powered by GSpeech