Toshkent viloyati. 2020 yilning 02 may kuni soat 11:00 da, 32 yoshli V.B., Аngren shahar Oʼzbekiston mustaqilligi koʼchasida joylashgan spirtli ichimliklar doʼkoni qarshisida alkogolь mastlik holatida boʼla turib, tanishi, 29 yoshli А.S., bilan oʼzaro kelishmovchilik oqibatida janjallashib qolib, А.S., ni yuz qismiga boshi bilan bir marotaba zarba berishi oqibatida, А.S., alkogolь mastlik holatida beli bilan orqasiga yiqilishi natijasida boshining orqa qismi betonga urilib, ogʼir tan jarohati olgan.

Natijada А.S., olgan tan jarohati bilan Аngren shahar Markaziy shifoxonasining jonlantirish boʼlimiga yotqizilgan.

Holat yuzasidan Аngren shahar IIB huzuridagi Tergov boʼlimi tomonidan Oʼzbekiston Respublikasi Jinoyat kodeksining 104-moddasi 1-qismi (qasddan badanga ogʼir shikast yetkazish) bilan jinoyat ishi qoʼzgʼatilgan.

Oʼzbekiston Respublikasi IIV huzuridagi Tergov departamenti