Samarqand. Internet tarmoqlarida Samarqand viloyati Urgut tumanidan yoʼllangan murojaatda, H.X. ismli fermer hech kimga tinchlik bermasligi va hamma bilan janjallashishi, biron marotaba javobgarlikka tortilmaganligi, har doim yuqori lavozimda ishlaydigan tanishlarini ishga solib  “suvdan quruq chiqayotganligi”, bu esa oʼz navbatida aholi orasida norozigarchiliklarga sabab boʼlayotganligi haqida post qoldirilgan.

Ushbu holat Oʼzbekiston Respublikasi IIV huzuridagi Tergov departamenti tomonidan oʼrganib chiqildi.

Аniqlanishicha, Samarqand viloyat Urgut tuman “Oʼroqboyjar” mahallasida haqiqatdan ham 63 yoshli H.X. ismli fermer yashab kelayotganligi, u ancha vaqtdan buyon bir yer maydoni boʼyicha oʼzining mahalladoshi 44 yoshli B.E. bilan janjallashib kelayotganligi maʼlum boʼlgan.

2019 yilning 13 noyabr kuni taxminan soat 19-30 larda H.X. oʼzining oʼgʼli 26 yoshli O.X. bilan birgalikda, Urgut tuman “Oʼroqboyjar” mahallasi ichki yoʼlida, mahalladoshi 44 yoshli B.E bilan navbatdagi janjal vaqtida, 26 yoshli O.K. qoʼlidagi yogʼoch kaltak bilan B.E.ning tanasini turli joylariga urib, tan jarohati yetkazgan.

Fuqaro B.E. olgan tan jarohatlari yuzasidan Urgut tuman tibbiyot birlashmasiga murojaat qilgan. Oʼtkazilgan sudga oid tibbiy ekspertizaning xulosasiga koʼra Eshonkulov B. ogʼir tan jarohati olganligi koʼrsatilgan.

Mazkur holat yuzasidan Urgut tuman IIO FMB huzuridagi tergov boʼlimi tomonidan Jinoyat kodeksining 105-moddasi 1-qismi (qasddan badanga oʼrtacha ogʼir shikast yetkazish) bilan jinoyat ishi qoʼzgʼatilgan hamda ekspertiza xulosasi olinganidan keyin jinoyat ishi JKning 104-moddasi 1-qismi (qasddan ogʼir tan jarohati yetkazish) ga qayta malakalangan.

Shu tariqa internet tarmogʼiga joylashtirilgan maʼlumot haqiqatga toʼla mos kelmasligi ayon boʼldi. Qonunga xilof ravishda ijtimoiy xavfli qilmish sodir qilgan har qanday shaxs javobgarlikka tortilib, jazoning muqarrarligi taʼminlanadi. Hozirda mazkur jinoyat ishi boʼyicha dastlabki tergov harakatlari davom ettirilmoqda.

Oʼzbekiston Respublikasi IIV huzuridagi Tergov departamenti

----------------------------------------------------------------

Интернет тармоғида тарқалган Ургут туманидаги “ҳуқуқбузар яна сувдан қуруқ чиқадими?” номли мақола бўрттирилган бўлиб чиқди.

Самарқанд. Интернет тармоқларида Самарқанд вилояти Ургут туманидан йўлланган мурожаатда, Ҳ.Х. исмли фермер ҳеч кимга тинчлик бермаслиги ва ҳамма билан жанжаллашиши, бирон маротаба жавобгарликка тортилмаганлиги, юқори лавозимда ишлайдиган танишларини ишга солиб доим “сувдан қуруқ чиқаётганлиги”, бу эса ўз навбатида аҳоли орасида норозигарчиликларга сабаб бўлаётганлиги ҳақида пост қолдирилган.

Ушбу ҳолат Ўзбекистон Республикаси ИИВ ҳузуридаги Тергов департаменти томонидан ўрганиб чиқилди.

Аниқланишича, Самарқанд вилоят Ургут туман “Ўроқбойжар” маҳалласида ҳақиқатдан ҳам 63 ёшли Ҳ.Х. исмли фермер яшаб келаётганлиги, у анча вақтдан буён бир ер майдони бўйича ўзининг маҳалладоши 44 ёшли Б.Э. билан жанжаллашиб келаётганлиги маълум бўлган.

2019 йилнинг 13 ноябрь куни тахминан соат 19-30 ларда Ҳ.Х. ўзининг ўғли 26 ёшли О.Х. билан биргаликда, Ургут туман “Ўроқбойжар” маҳалласи ички йўлида, маҳалладоши 44 ёшли Б.Э билан навбатдаги жанжал вақтида, 26 ёшли О.К. қўлидаги ёғоч калтак билан Б.Э.нинг танасини турли жойларига уриб, тан жароҳати етказган.

Фуқаро Б.Э. олган тан жароҳатлари юзасидан Ургут туман тиббиёт бирлашмасига мурожаат қилган. Ўтказилган судга оид тиббий экспертизанинг хулосасига кўра Эшонкулов Б. оғир тан жароҳати олганлиги кўрсатилган.

Мазкур ҳолат юзасидан Ургут туман ИИО ФМБ ҳузуридаги тергов бўлими томонидан Жиноят кодексининг 105-моддаси 1-қисми (қасддан баданга ўртача оғир шикаст етказиш) билан жиноят иши қўзғатилган ҳамда экспертиза хулосаси олинганидан кейин жиноят иши ЖКнинг 104-моддаси 1-қисми (қасддан оғир тан жароҳати етказиш) га қайта малакаланган.

Шу тариқа интернет тармоғига жойлаштирилган маълумот ҳақиқатга тўла мос келмаслиги аён бўлди. Қонунга хилоф равишда ижтимоий хавфли қилмиш содир қилган ҳар қандай шахс жавобгарликка тортилиб, жазонинг муқаррарлиги таъминланади. Ҳозирда мазкур жиноят иши бўйича дастлабки тергов ҳаракатлари давом эттирилмоқда.

Ўзбекистон Республикаси ИИВ ҳузуридаги Тергов департаменти