Jinoyat ishlari bo‘yicha Qarshi shahar sudi tomonidan 27 yoshli R.Umidjonga firibgarlik jinoyatini sodir etganligi uchun hukm o‘qildi.

Tergov jarayonida aniqlanishicha, R.Umidjon muqaddam bir necha marotaba sudlangan bo‘lsada, ahloq tuzatish ishlari jazosini oxirigacha o‘tamasdan turib, 2019 yilning yanvar' oyida tanishi I.B.ni Qarshi shahrida joylashgan nonvoyxonaning kadastr hujjatlarini rasmiylashtirishga yordam berishi, buning uchun 2.000.000 so‘m davlat boji to‘lashi kerakligi bilan aldab, 2.000.000 so‘m pul mablag‘larini firibgarlik yo‘li bilan qo‘lga kiritgan.

Bundan tashqari, u o‘zining jinoiy faoliyatini davom ettirib, 2019 yilning fevral' oyida, I.B.ga yer uchastkasi borligini, 15.000.000 so‘m evaziga ushbu yer uchastkasini sotishini aytib aldab, uni ishontirib, 15.000.000 so‘m pul mablag‘larini firibgarlik yo‘li bilan qo‘lga kiritgan.

Mazkur holat yuzasidan, U.Raximovga nisbatan O‘zbekiston Respublikasi Jinoyat kodeksining 168-moddasi 3-qismi “b” bandi (xavfli residivist tomonidan sodir etilgan firibgarlik) bilan ayblov e'lon qilinib, “qamoqqa olish” tarzidagi ehtiyot chorasi qo‘llanilgan.

Sud o‘z navbatida R.Umidjonga yuqorida ko‘rsatilgan firibgarlik jinoyati bo‘yicha aybdor dep topib, uning o‘talmay qolgan jazosini inobatga olib, 7 yil muddatga ozodlikdan mahrum qilish jazosini tayinlagan.

O‘zbekiston respublikasi IIV huzuridagi Tergov departamenti.

----------

Жиноят ишлари бўйича Қарши шаҳар суди томонидан 27 ёшли Р.Умиджонга фирибгарлик жиноятини содир этганлиги учун ҳукм ўқилди.

Тергов жараёнида аниқланишича, Р.Умиджон муқаддам бир неча маротаба судланган бўлсада, аҳлоқ тузатиш ишлари жазосини охиригача ўтамасдан туриб, 2019 йилнинг январь ойида таниши И.Б.ни Қарши шаҳрида жойлашган нонвойхонанинг кадастр ҳужжатларини расмийлаштиришга ёрдам бериши, бунинг учун 2.000.000 сўм давлат божи тўлаши кераклиги билан алдаб, 2.000.000 сўм пул маблағларини фирибгарлик йўли билан қўлга киритган.

Бундан ташқари, у ўзининг жиноий фаолиятини давом эттириб, 2019 йилнинг февраль ойида, И.Б.га ер участкаси борлигини, 15.000.000 сўм эвазига ушбу ер участкасини сотишини айтиб алдаб,  уни ишонтириб, 15.000.000 сўм пул маблағларини фирибгарлик йўли билан қўлга киритган.

  Мазкур ҳолат юзасидан, У.Рахимовга нисбатан Ўзбекистон Республикаси Жиноят кодексининг 168-моддаси 3-қисми “б” банди (хавфли рецидивист томонидан содир этилган фирибгарлик) билан айблов эълон қилиниб, “қамоққа олиш” тарзидаги эҳтиёт чораси қўлланилган.

Суд ўз навбатида Р.Умиджонга юқорида кўрсатилган фирибгарлик жинояти бўйича айбдор деп топиб, унинг ўталмай қолган жазосини инобатга олиб, 7 йил муддатга озодликдан маҳрум қилиш жазосини тайинлаган.

Ўзбекистон республикаси ИИВ ҳузуридаги Тергов департаменти.